綠色素食份子 (已結業)

好耐無去北角食素，今次再揀返綠色素食分子，帶咗個好少食素嘅朋友去食午餐，收費每人都只係$70，而且又唔收加一，一樣都係90分鐘時限。我哋一攞咗個位，坐低就獲派每人一隻膠手套，然後就戴住口罩，出去攞嘢食。而我最鍾意就係食熱盤嘅素菜，炒得好好味，好有鑊氣，中湯亦好好飲，無味精，味道又唔會太鹹，仲見到有好多煎炸食物，仲有一款pizza及沙律，飲品有水、茶、豆漿等嘅選擇。總結：感覺熱盤食物款式選擇比以前少咗，煎炸嘢食反而多咗，值得一讚係桂花糕好好味，整體嚟講，係抵食嘅！