麻神麻辣火鍋 (已結業)

Lunch 經過見到$59有一人一煱打邊爐，見咁抵食緊要試下，原來$59係包一個麵，湯底，同埋3個餸，即係其實係車仔麵，但以打邊爐黎講都真係幾抵。推介麻辣湯底，雖然唔夠辣但好味道，粉麵公仔麵，烏冬，薯粉，米線，我就左薯粉因為最夾麻辣湯。餸有好多款，我揀左白蘿蔔，炸魚角頭，同埋芥末丸。除左芥末丸之外其他兩個餸我都好滿意，份量亦足夠，佢有牛肉雞肉豬肉但我唔想食太多肉所以留返俾其他人叫算。好味道，抵食，好坐，過癮，仲有杯野飲，加埋一都唔洗$70，仲想點？