韓舍 (已結業)

今晚收工又約同事一齊來韓舍，最喜歡仼飲仼食，我地叫左惹味花膠雞煲，原先仲諗住係用花膠仔添，估唔到花膠好厚仲好淋，連同雞件、洋蔥亦吸收左花椒八角香味，非常入味。基本上食物紙大部分都點左，我最喜歡牛頸脊、生蠔、鯇魚腩，新鮮好味！而自助bar亦有大量食物提供，熟食區、蔬菜類、丸類、海鮮、沙律、生果、甜品，種類非常多，岩晒不同口味！另外還有自制章魚燒、炒腸粉、炒雪糕機，自己控制份量，按個人喜好加入配料，係幾好玩幾特別既！除了食物，飲品選擇都好多，十幾款無酒精飲品，幾款啤酒，竟然仲有清酒，食得飽飽地，飲返兩杯真係好爽！