Fish & Chick (高街) (已結業)

今日想食啲香口野 上openrice搵吓西環呢頭有咩好餐廳 見到呢間炸魚薯條店做緊外賣自取買一送一 就嚟咗試吓啦🤭呢個買一送一嘅優惠係要用openrice app落單先有 我地行緊去餐廳嘅時候就落定單 行到去就差不多有得攞 餐廳舖面其實唔係好大 喺門口都見到有人等緊入去堂食🤪我地攞咗外賣就去咗中山紀念公園 望住個海chill住食炸魚薯條 路過便利店仲買咗兩罐啤酒 外賣就有呢個好處啦😚我地叫咗紐西蘭石頭魚配薯條🍟 同藍鱈魚配粟米 雖然行咗一段時間 但係炸魚依然好熱 兩個魚相比較 石頭魚嘅肉質比較結實 藍鱈魚就多少少腥味 但係魚油就比較香濃 兩者都係好唔錯嘅炸魚😎薯條食落有啲硬 唔係太香脆😂 粟米就好有牛油同香草嘅味道 配搭粟米非常唔錯🤤望住個海chill住食都唔錯 但係始終叫外賣食物唔夠新鮮熱辣 即使係咁食物質素依然上乘🥰 相信堂食會更加Wonderful😋