HONGrill (已結業)

路過入黎試下，買刈包送沙律或飲品。有唔同刈包揀，素食既選擇有兩款，炸菇同炸豆腐刈包，下次再試下。最後叫左茴香叉燒刈包，好好味，睇得出每樣食材由叉燒到配菜都有用心處理，茴香醃過帶少脆口同酸好開胃。刈包軟熟，加埋炸左既菜令成個包口感有多左層次，最正係叉燒，外脆內軟，半肥瘦。份量上如果當正餐既話對男仕應該唔夠，女仔就剛剛好。可以加$12要多塊雞排，仲有其他add ons可以揀。店員好有禮貌，上餐好快，落單都有野食大概5分鐘到。會再幫襯試下其他野食，有飯類睇落都幾吸引。