炑八韓烤 (已結業)

年初五諗住出去行下食個lunch，見舖外面個廣告幾吸引就走入去，從未食過咁難食嘅炸雞，原味炸雞=無味炸雞，甜辣味炸雞=少少味嘅炸雞，真係好差，絕對唔會再幫襯。估唔到原味都可以差成咁，好失望。唯獨可以讚下嘅係嗰兩杯野飲，柚子冰茶同荔枝冰茶正正常常，柚子冰茶都算ok，不過荔枝冰茶只係得一粒荔枝肉。我見lunch時間入面都幾多人，以為都會好食，點知出事，我已經係現場買完就坐food court食，我地食咗兩舊實在食唔到落去，決定帶返屋企先再算！