辣吧 (已結業)

俾呢間餐廳嘅海鮮大咖吸引😍可以簡六款或者八款嘅海鮮🌊師傅每日去街市挑選新鮮嘅海鮮🤩食材係會根據當日海鮮嘅新鮮度調整，所以餐廳嘅海鮮質素都有保證😆！同媽咪兩個人食，所以叫左六款海鮮大咖，海鮮有鮑魚、扇貝、膏蟹、花甲、魷魚筒同埋蝦呢六種🥰 除左海鮮外，仲可以自選四種配料，簡左豆卜、金針菇、白蘿蔔同埋土豆粉。至於口味方面，有三種口味可以簡，有蒜蓉、冬蔭公同麻辣。因為媽咪唔食得辣，所以就簡左蒜蓉味，所以就算唔食辣都冇問題🤗好滿意當日嘅海鮮，每一款都好新鮮🤤膏蟹嘅膏多到每啖都係鮮甜嘅蟹膏😋扇貝同埋蝦都好大隻☺️，花甲每粒嘅肉都好肥美🤣仲有原隻鮑魚，魷魚筒嘅數目都唔吝嗇。湯底係蒜蓉味，海鮮非常入味同埋野味，自選配料簡一d蔬菜嘅話，可以減少油膩感，比較健康😊。最後同媽咪係食唔晒個海鮮大咖，因為實在太豐盛太足料😂 但非常滿足，無論材料定係調味都好有心思。除左食物外，餐廳嘅裝潢古色古香，幾有特色架！覺得今次完全冇黎錯，下次會想同朋友再黎試食下熱鍋串串🍢🍢😌