School Food (已結業)

好少一間連鎖店每間分店可以有同樣味道，都係咁好食，所以我鍾意食呢間。飯卷一如以往咁好味，唯一要嫌就係餐牌食物太少 ，又唔成日出新野。我每次黎必食卡邦尼年糕，芝士忌廉味香濃，同年糕好夾，汁好多，每舊年糕都比cream包住，真係食幾多次都唔厭。今次試左個叻叻豬鐵板飯有意外驚喜，少少辣好惹味，豬肉份量好足，加埋太陽蛋撈起來好好食。水冷麵都係第一次試，麵條好韌，咬唔開，好似韓國冷麵質地都係咁，topping得兩片好薄嘅蘿蔔，青瓜絲同半隻蛋，好dry。