世品咖啡 (已結業)

餐廳就在商場的地下，位置尚算方便，一出馬鐵站就會見到。見到餐廳入邊都坐咗唔少人，咪諗住試吓囉，點知……先講all day breakfast，嘢食份量都算多，只不過質素方面：只有炒蛋係新鮮整嘅，質感尚算OK。其他野包括煙肉、牛角包、腸仔、炒薯、炒菇，都係凍嘅。炒薯同炒菇油份好多，應該炒左好耐擺咗喺度。至於個喇沙，究竟係咪喇沙嘅定義改咗呢？上咗枱簡直覺得俾人呃咗。唔係喇沙雞麵，係咖喱雞麵，再講多次係咖喱雞麵，完完全全係咖喱嘅味道。果半隻蛋仲搞笑，蛋黃極之僵硬兼且有就膠味，食咗一半已經放棄⋯餐飲方面，奶茶用紙杯上已經算了，但茶底過苦，去到澀的地步⋯ 嗯，應該無下次。完。