影片
更多
2024-05-11
125 瀏覽
混合奇怪與點點失望的情緒 @茶聊（旺角）同友人目的性咁去旺角行街，想食晚飯之制，大部分餐廳都已經full book, 咁唯有上google 搵比教近而且仲有個嘅餐廳，結果打左去茶聊問有位就9秒9衝上去。一去到，明白星期五晚得返bar 枱位置已經好好咖啦，坐底之後如常坐好用qr code 點菜，店員同我地講左用餐時間係1.5 小時，ok 左之後，我就開始望望枱面同沿窗位置都充滿一點一點，生銹點同污跡都明顯可見，嗰一刻都即刻有d 防避，感覺上都係自己抹下餐具穩陣d。2個人仔order左5 樣野，包括：1. Black Coffee2. Bear latte3. 西班牙海鮮炒飯4. 雞翼5. 原味馬卡龍梳乎里班戟☕️🍷🍲2杯野飲同西班牙炒飯都好快到步，black coffee 有點啖而無味嘅感覺, 相反bear latte 就濃郁得多，不過造型都唔錯，幾多愛，女孩子應該都好歡喜。出事位黎啦，佢個西班牙海鮮炒飯好過癮，造型超似焗豬，我簡直由心地覺得佢要改名，本身打定輸數覺得味道唔太好，但佢竟然出奇制勝，連個味都似埋焗豬，又幾好味wow （如果以焗豬味黎計），當然蓋面嘅海鮮好明顯係冰鮮，冇咩味道啦
同友人目的性咁去旺角行街，想食晚飯之制，大部分餐廳都已經full book, 咁唯有上google 搵比教近而且仲有個嘅餐廳，結果打左去茶聊問有位就9秒9衝上去。
一去到，明白星期五晚得返bar 枱位置已經好好咖啦，坐底之後如常坐好用qr code 點菜，店員同我地講左用餐時間係1.5 小時，ok 左之後，我就開始望望枱面同沿窗位置都充滿一點一點，生銹點同污跡都明顯可見，嗰一刻都即刻有d 防避，感覺上都係自己抹下餐具穩陣d。
2個人仔order左5 樣野，包括：
1. Black Coffee
2. Bear latte
3. 西班牙海鮮炒飯
4. 雞翼
5. 原味馬卡龍梳乎里班戟
☕️🍷🍲2杯野飲同西班牙炒飯都好快到步，black coffee 有點啖而無味嘅感覺, 相反bear latte 就濃郁得多，不過造型都唔錯，幾多愛，女孩子應該都好歡喜。
出事位黎啦，佢個西班牙海鮮炒飯好過癮，造型超似焗豬，我簡直由心地覺得佢要改名，本身打定輸數覺得味道唔太好，但佢竟然出奇制勝，連個味都似埋焗豬，又幾好味wow （如果以焗豬味黎計），當然蓋面嘅海鮮好明顯係冰鮮，冇咩味道啦！不過點都要讚佢個汁同炒飯底。
🐓🐣之後隔左15mins 送上雞翼，一望就知d 炸粉厚過石灰，完全係硬到不行，仲要雞肉冇味，嗰下開始嬲嬲地。好啦！本住唔浪費嘅精神都食哂佢，諗住食埋個pancake 就快快手走人，點知一等再等，3次問店員食物準備好未，結果一個鐘之後先有得食。
好老實講，個pancake 水準正常，有佢嘅空氣感，但係驚天地又唔叫得上，如果要等一個鐘都實在有點離譜，因為佢嘅用餐時間係1.5 小時，食野再快都唔想攪成咁，仲要個店員能態度都幾hea，一路都係hea 住你嘅感覺。
食完都唔想再留底，快快手想走，點知我地想比octopus card，佢先話octopus card 壞左， 唔用其他支付方法嘅我地真係好大衝擊，心諗：咩都唔交待清楚真係好咩！
P.S: 食物價錢都唔係貴$350／2個人，不過食物cp 唔高，冇咩事我都唔會再去，驚驚。
推介指數: 3.1/5
人均消費： $150-170
張貼