榮式燒雞扒 (已搬遷) 新店位置

到銅鑼灣工作，順道吃午餐。到附近的加路連山道，這裡有很多食肆，有拉麵店、炸豬扒店、茶餐廳、西餐館都有。每逢飯市都各有各的客人在排隊等吃。據所見附近的大部分食肆都換完又換，榮式雞扒在此街道都開了很多年，佢應該有其獨到之處。雖多次經過，還是第一次入去，梗係想試多幾種菜式，雞扒豬頸肉飯，雞扒是烤的，扒上的烤痕很清晰可見，薄而長，只有1/3有雞皮，全塊都很瘦，沒見到其他的肥膏。心想會否乾嚡呢？咬落就疑問全消了，雞肉雖瘦但肉質很嫰且juice，雞皮亦烤得脆。豬頸肉都很彈牙，而碗飯旁放有葱油和少許菜甫，豉油唔太鹹，應是調製過的。將其全部混和吃，真是非常惹味，口感好豐富又香。等緊時，見旁邊很多人都叫章魚蓮藕餅，就追加了一塊 $10。都好大塊，外觀炸得較乾，可內裏都好有肉汁且有咬勁，其實味道幾正，但唔多覺有章魚的味道，而蓮藕粒亦很少，好似食一塊大肉餅咁。凍檸茶，都不用加錢，好ok喎！$61，在銅鑼灣吃到咁多款選擇的午餐真的很不錯。