大喜屋 (已結業)

幾年前同D朋友嚟食過一次，之後旺角開咗樂天大喜屋，多數都會揀去旺角果間，今次同家人嚟食揀左尖沙咀呢間，一到大厦地下已經見到好多人排隊等上樓，地下有兩位員工安排已Book位既客人攞枱，安排好好……有秩序，坐定之後立即攞本放題簿，食物種類都算多，連飲品都有多款選擇，先講飲品……有兩張紙選擇，一張係普通飲品加啤酒，一張就特飲加清酒，我地一致覺得蜜瓜奶最好飲，另外都有叫熱清酒試試，刺生方面……因全家得我一個食9生嘢，所以叫左少少頂下隱，帶子好新鮮，赤蝦又大又鮮甜，壽司款色多又好食，火炙壽司，軍艦，手卷都做多好出色，天婦羅炸物……我地都叫左幾round, 燒蝦、燒菠蘿、燒雞亦必食之選，最後仲有Milk Top既雪糕做甜品，今次第一次帶爸爸嚟大喜屋食放題，爸爸都食得好開心