Bougel Cafe & Bakery

營業中

休息中

經過俾d裝修吸引住，除左係間cafe，仲係間麵包店。店內售賣既麵包同鬆餅都好有特式，鬆餅款式更多達10款。鬆餅質感鬆軟，而且好大個。抹茶紅豆鬆餅 $28淡淡既抹茶味，再加粒粒分明既紅豆，略嫌紅豆唔夠多。士多啤梨忌廉芝士鬆餅 $28👍真係有士多啤梨架！酸酸甜甜好開胃。芋泥麻糬鬆餅 $30好新奇既配搭，芋泥同麻糬放落鬆餅度完全冇違和感，仲多左重口感。海鹽菠蘿酥 $28👍超足料，成個酥中間都係菠蘿蓉，仲食到有勁多菠蘿粒，好開胃。法式鮮奶酥 $22奶味香濃，甜甜地，有D杏仁片係面。整體所有食物味道都唔錯，款式多，夠特別，環境仲好適合打卡。