甜牙牙 (已結業)

復活節假期， 梗係要玩盡佢 ，今日帶阿女去4d照相館玩，玩完之後攰攰哋行過嚟尖沙咀，呀女話想食甜品， 就醒起呢間甜牙牙~由於晚餐都未食 ，好彩呢度連意粉鹹點都有喎 ，啱曬我哋呀 。我哋一行六人， 有大有細 ，呢度環境舒適，小朋友嚟都啱，坐得舒舒服服。侍應畀咗個圓圓地嘅卡位我哋~店裏面最吸睛嘅就係呢個movenpick嘅雪糕櫃 ~先介紹咗今日食嘅甜品，Charlotte Tiramisu 我覺得整得好靚呀，第一次見tiramisu可以整得咁靚，成個裝飾品咁。食落個味道， 有淡淡幽香嘅咖啡酒味，唔會太濃，芝士同cream 分佈唔錯，食完成個cake都唔會太滯，正! 就嚟母親節，帶媽媽嚟食呢個，就又夠靚又有得食喇~小朋友就梗係叫咗個 “士多啤梨鬆餅仔囝”畀佢哋食， 另外仲加多個雪糕球㖭 。Pancake 食落甜甜地，士多啤梨夠新鮮~ 講下晚餐先，叫左兩款窩夫， 一個係parma ham窩夫早餐，另一個係芥末腸窩夫早餐。 窩夫黎到嘅時候，賣相好靚。無論大人小朋友，一見到窩夫即刻好開心， 窩夫焗得好脆， 但係唔會好乾~腸用煙肉包住，食落口同時有兩種味道，加埋個窩夫同沙律，配合得好好~ 兩個意粉：