尚興潮州海鮮飯店

營業中

休息中

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️一直好鍾意叫餸食飯，今次同幾位朋友去試呢間潮州菜真係幾好食喎：⭕️ 滷水拼盤：黎打冷點少得佢，滷水汁鹹甜適中，鵝片好入味又唔肥，同要特別推介鵝腸，又滑又爽口👍🏻 ⭕️ 蠔仔粥：例牌份量已經好足，清甜飽肚仲好多蠔仔，係啖啖都有，真心足料💁🏻‍♀️加埋胡椒粉仲正😆⭕️ 蠔餅：比較薄身，食落係軟熟嘅蛋餅味，唔會重麵粉，而且同蠔仔粥一樣都有好多蠔，又一推介！⭕️ 滷水鵝紅：從來都未食過，鵝紅比豬紅好似再滑身啲，食落比較淡同微甜。⭕️ 反沙芋：唔多地方可以食到正宗嘅反沙芋，據聞係要不停咁炒到啲糖可以平均咁黐喺芋頭表面。雖然我唔鍾意食芋頭，但係佢熱辣辣新鮮整起，又幾好食喎🙆🏻‍♀️ 不得不讚下店員服務，我哋一坐低佢哋已經端上功夫茶，茶味濃同有一股回甘，佢哋針左好多次俾我哋🤣 當我哋食完仲送綠豆爽俾我哋做甜品，呢個好啱夏天飲，清熱排毒，旁邊仲有羅漢果汁俾你加落去增加甜味，推介大家要落，係真係會好味好多！