影片
更多
2013-09-12
160 瀏覽
星期六晚係誠品睇下書做下"文青", 雖然唔係好肚餓, 但行左成日對腳都有d酸軟! 見eslite tea room有位環境又靜靜地咁就同友人行左入去諗住食個light dinner~ 其實上年都同另一友人黎過, 記得無論食物質素同服務都麻麻地...以為新開張關係..點知今次仲要比第一次更差!首先, 同友人企正係門口等入座, 企左3分鐘左右, d waitress/ waiter都全部背住門口睇我地唔到! 好啦, 咁我地兩條友就行入餐廳好無助咁又舉手又揮手咁...終於有個疑似高級少少既男waiter叫我地有空枱就可以坐!! =_= 睇左一輪發現無a la carte menu只得一個set dinner menu (因為記得第一次黎個時係有的, 可以散叫一碟厚切薯條), 咁我就問問其中一位waitress...明明客人唔多, 但都等左5分鐘先截到個人埋黎...! 有d唔係掛住傾計就背向住d食客..... 終於有一個waitress路過俾我捉個正著 !__!我: 唔好意思, 請問你地有無一個可以散叫既menu?waitress: (一臉茫然和悔氣口吻) 吓? 咩話?我: 除左set m
其實上年都同另一友人黎過, 記得無論食物質素同服務都麻麻地...以為新開張關係..點知今次仲要比第一次更差!
首先, 同友人企正係門口等入座, 企左3分鐘左右, d waitress/ waiter都全部背住門口睇我地唔到! 好啦, 咁我地兩條友就行入餐廳好無助咁又舉手又揮手咁...終於有個疑似高級少少既男waiter叫我地有空枱就可以坐!! =_=
睇左一輪發現無a la carte menu只得一個set dinner menu (因為記得第一次黎個時係有的, 可以散叫一碟厚切薯條), 咁我就問問其中一位waitress...明明客人唔多, 但都等左5分鐘先截到個人埋黎...! 有d唔係掛住傾計就背向住d食客..... 終於有一個waitress路過俾我捉個正著 !__!
我: 唔好意思, 請問你地有無一個可以散叫既menu?
waitress: (一臉茫然和悔氣口吻) 吓? 咩話?
我: 除左set menu仲有無其他menu? 我想叫個薯條...我記得以前有的...
waitress: 無㗎wor! 無d咁既嘢....(未講完經已離開我地張枱行返去bar枱同另一waitress傾計)
我已經無再深入咁諗佢d服務態度既問題, 只擔心佢行開左後我要再用幾多時間去請個waiter or waitress埋黎幫我地落單 最後竟然有一個"出於污泥而不染"既有禮貌男仔係唔知邊度走出黎幫我地落單!!!
我地兩個人叫左兩個set dinner (HK$118), 每個set dinner包一杯凍茶, 一個湯或一個沙律 (二選一) 以及一個portion細細的main course...
有兩種茶以供選擇, 包括: "台灣高山烏龍冰泡茶"或依杯紅色的"精選風味冰茶"! 我地兩人都好後悔揀左後者...只可以講, 止咳一流! 因為味道與咳藥水無異 仲要係極細杯, 如果好飲返d既話就真係兩啖可以飲晒!
想話俾大家聽, 衣碗"忌廉南瓜湯"就係其中一位成日睇你唔到的悔氣姐姐呈上 睇到個賣相我已經感覺到佢既悔氣指數係極高.....=_= 味道唔係話咁差, 但都飲得出同其他普遍餐廳一樣, 係用粉開的!
我既main course就係衣個"青醬鮮蚵天使細麫"! 偏難食...d蚵仔應該係因為急凍而變得好"削"! feel到只係用滾水滾兩滾就算, 食落只有冰鮮味...天使麫一pat pat...食左半碟頂唔順唔食..油多過汁!
友人揀左紅酒燉牛肉做main course...好"別緻"...d 蒜溶包好在唔係凍的,仲有一絲絲既暖意 -_-! 燉牛肉好油啊! d牛肉偏'un"...無咩紅酒味, 反而牛騷味多d~ 失望的一餐...我相信揀得去衣度食既人, 都係志在唔洗等位...其他所有野都真係有待改善!!! 尤其員工們的服務態度!!!
張貼
