浜滝

平時好少去九龍城食野，聽講呢度美食雲集， 禁岩放假同老公黎行行，俾我地發現左呢間特色的日本料理店， 店舖入面全部用左圓形高台設計， 牆上又用左黑板手寫特色、限量季節性的菜色 好有日本的居酒屋風味!! 呢度仲有我最愛的<自家製黑蒜拉麵> 又濃又黑的黑蒜湯散發出陣陣的蒜香味， 仲有粉嫩的叉燒、軟滑的糖心蛋， 仲有配菜日本竹筍， 湯入面仲加左一塊熱石，用黎保持拉麵溫度 湯味香濃，拉麵軟硬適中~ <花魚燒一夜干>  平時我好少食魚，但老公就好鍾意食， 見到魚燒得好香，我都忍唔住食埋一份， 好香口、魚肉鮮嫩，而且入味， 魚骨只有中間一大條，容易起骨~ <燒明太子> 本身好鍾意明太子的口感， 呢度明太子經過燒烤，帶少少煙薰的香味 如果覺得單食有d鹹， 可以用紫菜，再配上蔥、蘿蔔蓉包住食，十分惹味! <日本酒煮蠔> 用最簡單的烹調手泓帶出食材的鮮味，蠔身肥美，入口時散發出淡淡的酒香， 建議趁熱食更正！ 店內面仲有好多款酒，我地當然要用酒配佳餚!