Greyhound Café (MOKO新世紀廣場) (已結業)

星期五夜晚繁忙時間，7:45pm左右入坐，眼見得2個staffs喺場，有個後生仔waiter落單，但疑似漏單，等咗20分鐘都未有嘢食，我哋先開始問係咪嚟緊，個waiter就話跟一跟（…即係依家先落單？），但等咗接近半個鐘都未有嘢食，剩返滿滿嘅餓感同一肚火🔥😠之後老公果碟羊架黃薑飯先到，我就仲係餓住睇佢食完，都未有嘢食，說好的海南雞飯呢？超過半個鐘都未有，想問隻雞係咪未孵出嚟？最後嬲到cancel order走人，我又嬲又餓咁即刻落咗樓下買外賣食。其實咁大間餐廳，人手同服務完全唔成比例，亦唔到位，非常唔掂同失望。