Gooday Cafe (已結業)

數月前上網發現這間樓上咖啡室，位於公司附近，相片又吸引，一直很想去試試，但每次即日致電總係book唔到位，一拖再拖下才嘗到好日午餐，誰知一試就發現他們要搬，好彩搬址前比我一嘗所願，開心！好日午餐真的賣相精美，價錢於中環黎講唔算太貴，但又唔算平。午餐都是一盤盤set好，擺放精緻，看到已覺賞心閱目。每份餐也有前菜，小點，沙津，包，湯，餐飲，主菜和甜品。對鍾意每樣食少少的女仔而言，無疑是完美的組合呢！小妹最鍾意他們的洛神花包，粉紅色，中間有Cream Cheese，咬落鬆軟可口，真係‘又靚又好味‘！ ❤紅酒燉牛肉飯 - 男友選了燉牛肉，味道還好，不過男友說肉質有點硬，可能燉的時間不夠。飯和餸的份量剛好，不多不少。 ❤芝士蕃茄焗豬頸肉飯 - 茄汁飯甜酸比例適中，很對味，但略嫌汁多了一點，搶去了豬頸肉和飯本身的味道。整體而言是一餐滿意的午餐，在工作的日子，確實需要這樣的午餐來點綴點綴呢！