影片
更多
2023-04-02
448 瀏覽
素食友善嘅餐廳，有時未必要有超多素食選擇，例如位於長沙灣喜漾嘅 “薰甘同味”，只要表露你係素食者嘅身份，老闆娘會好詳細同你分析你可以選擇食啲乜。以下係佢建議素食者嘅食法，餐牌冇寫明㗎。😉特色湯麵 ($50) 之中，馬拉白咖哩烏冬係素嘅，食芝士嘅素友亦可選韓式芝士撈麵。🍜但佢可選嘅小食全部都係肉，點算呢？可以選以下其中一樣：🥬 菜心/生菜🥐 雜菜春卷🍕 印度薄餅❄️ 冷盤三小碟（麻辣蓮藕，麻辣蒜蓉雲耳，芥辣秋葵，香醋青瓜，日式麻醬豆腐）雜菜春卷雖然配辣雞醬，但原來個醬係素嘅（成份見附圖)。反而印度薄餅嘅青咖哩汁唔係素，所以一係配辣雞醬，或者煉奶亦可。雜菜春卷大大條入面全是蔬菜，即炸好脆，又唔油膩唔熱氣。印度薄餅好香口，配煉奶出奇哋夾。🍼白咖哩烏冬嘅白咖哩好好味，烏冬亦都好煙韌，我都試過轉佢哋嘅自家製拉麵，但覺得配烏冬比較夾啲。配料有芽菜，豆卜，蘿蔔同少少蔥，圖中嘅係我要求嘅多蔥版。😋芝士撈麵本身有蟹籽，素食版會幫你走哂。老闆娘好細心咁提我如果跟本身個韓式即食麵份量會較少，想夠食啲可以免費轉自家製拉麵。但我覺得個即食麵份量雖然少，但麵質真係幾好，而且即食麵呢啲冇益嘢少少哋食又冇咁邪惡。😈一大
特色湯麵 ($50) 之中，馬拉白咖哩烏冬係素嘅，食芝士嘅素友亦可選韓式芝士撈麵。🍜
但佢可選嘅小食全部都係肉，點算呢？可以選以下其中一樣：
🥬 菜心/生菜🥐 雜菜春卷
🍕 印度薄餅
❄️ 冷盤三小碟（麻辣蓮藕，麻辣蒜蓉雲耳，芥辣秋葵，香醋青瓜，日式麻醬豆腐）
雜菜春卷雖然配辣雞醬，但原來個醬係素嘅（成份見附圖)。反而印度薄餅嘅青咖哩汁唔係素，所以一係配辣雞醬，或者煉奶亦可。雜菜春卷大大條入面全是蔬菜，即炸好脆，又唔油膩唔熱氣。印度薄餅好香口，配煉奶出奇哋夾。🍼
雜菜春卷
$30
11 瀏覽
0 讚好
0 留言
印度薄餅 (配煉奶)
$30
5 瀏覽
0 讚好
0 留言
白咖哩烏冬嘅白咖哩好好味，烏冬亦都好煙韌，我都試過轉佢哋嘅自家製拉麵，但覺得配烏冬比較夾啲。配料有芽菜，豆卜，蘿蔔同少少蔥，圖中嘅係我要求嘅多蔥版。😋
馬拉白咖哩湯烏冬
$50
7 瀏覽
0 讚好
0 留言
韓式芝士撈麵
$50
7 瀏覽
0 讚好
0 留言
三小碟我通常揀豆腐，蓮藕同秋葵，老闆娘提我唔一定要三樣唔同，鍾意可以三碟都叫同一款小食。份量好多，食哂都飽咗四成。而且每樣都各有特色：
冷盤三小碟（麻辣蓮藕，芥辣秋葵，日式麻醬豆腐）
$28
8 瀏覽
0 讚好
0 留言
🪷 蓮藕好爽口，配埋麻辣汁好刺激又惹味。
🥒 秋葵嘅汁竟然係 wasabi 汁，天呀，太好食了。
另外可以加 $7 配佢哋自家製涼茶（係五花茶）或柚子蜜（冷熱同價），質素都好高㗎。🥤
有時老闆娘唔响鋪，但其他店員都會知道呢個隱藏餐牌，所以冇問題嘅。會咁貼心支援素食者嘅小店，大家記得多啲嚟食呀。🥰💚
張貼
