Barg (已結業)

今日同女朋友出銅鑼灣行街 行到攰去咗呢條類似酒吧街嘅地方搵嘢食 嚟咗呢間樓上舖Barg 食個Tea 我地嗌咗兩杯Mojito 另外叫咗buffalo wings同埋炸薯條配松露醬兩個小食送酒飲炸薯條新鮮炸起超級脆 而且係粗薯條所以好夠薯 松露醬係溝咗少少松露嘅沙律醬水牛城雞翼超惹味好好食 醬汁味道調得十分之好 夠香夠辣夠酸 啲汁薄薄一層淋落去雞翼度 唔會搞到外皮淋曬依然香脆 食落去有啲似脆香雞翼既buffalo wings版本至於Mojito 大大杯超抵飲 冧酒再配上大量嘅青檸薄荷葉 味道清新 喺下晝嘅時間飲一杯簡單嘅cocktail一d都唔heavy