抹茶館 (已搬遷) 新店位置

上完堂同八、九個朋友食飯，去咗荷里活廣場，但係發現冇乜餐廳有咁多位連坐，最後我地去左抹茶館，佢地幫我地拍埋幾張枱做長枱。環境到去非常光猛乾淨，店舖佈置走簡約日式風格，感覺都幾舒服。食物晚餐有二人set$230未加一，跟兩份小食、兩份主食同一杯飲品。我叫左叉燒黑蒜油拉面，沙律同玄米茶叉燒拉麵湯底偏咸，無豬骨味；拉麵正常；叉燒得一塊，肥瘦分明，味道不過不失；溫泉蛋糖心，但無蛋味沙律都幾多款菜，好似係吞拿魚沙律醬，飽肚健康，幾抵叫。玄米茶無諗到係一壺咁上，非常討好，開蓋有玄米係入面，味道出，好鍾意