影片
更多
2019-07-17
1378 瀏覽
行過見到好似有啲懷舊feel，就走入去食下，點知食咗一個近年最難食嘅早餐！先講下碗沙嗲牛肉通粉，碗湯只係暖暖地，啲牛肉直頭係唔熱嘅，大家見到啡色一嚿嚿嗰啲，就係瓊咗嘅沙嗲汁，放左落啲湯度都唔識得溶，你就知啲湯同埋啲沙嗲牛肉有幾咁熱啦？感覺上，我真係以為呢碗野係隔夜拎出嚟未整返熱呀大佬！好啦輪到舊麵包，睇吓佢餐牌寫乜？係話乜乜乜自家製嘅麵包，自鬼自馬咩？搣開見到中間散修修，一啲都唔軟熟，感覺完全都係一個隔夜麵包！食到呢度，隻煎蛋都已經冇乜心機去食，睇真啲隻煎蛋其實都唔係咁開胃，真係求其食完，俾錢就算！呢間咁嘅鋪頭你都唔使旨意我再返嚟食，真係拜拜你條尾，嘥晒我啲錢！嘥晒我啲quota！喺度扮晒老店，完全冇heart！
沙嗲牛肉通粉
22 瀏覽
0 讚好
0 留言
沙嗲牛肉通粉
18 瀏覽
1 讚好
0 留言
先講下碗沙嗲牛肉通粉，碗湯只係暖暖地，啲牛肉直頭係唔熱嘅，大家見到啡色一嚿嚿嗰啲，就係瓊咗嘅沙嗲汁，放左落啲湯度都唔識得溶，你就知啲湯同埋啲沙嗲牛肉有幾咁熱啦？感覺上，我真係以為呢碗野係隔夜拎出嚟未整返熱呀大佬！
餐包
37 瀏覽
0 讚好
0 留言
火腿煎蛋
26 瀏覽
0 讚好
0 留言
火腿煎蛋
17 瀏覽
0 讚好
0 留言
好啦輪到舊麵包，睇吓佢餐牌寫乜？係話乜乜乜自家製嘅麵包，自鬼自馬咩？搣開見到中間散修修，一啲都唔軟熟，感覺完全都係一個隔夜麵包！食到呢度，隻煎蛋都已經冇乜心機去食，睇真啲隻煎蛋其實都唔係咁開胃，真係求其食完，俾錢就算！
呢間咁嘅鋪頭你都唔使旨意我再返嚟食，真係拜拜你條尾，嘥晒我啲錢！嘥晒我啲quota！喺度扮晒老店，完全冇heart！
張貼
