影片
更多
2024-03-28
471 瀏覽
話説有日 🦖 帶埋大鄉里朋友仔去見識下深水埗嘅電子xx城市（佢真心以為淨係得電腦嘢賣，少年你太年輕了）。搏鬥過後，急需補充能量就去咗呢間 bookmark 咗好耐嘅車仔麪店食佢哋其中一樣招牌名物~爆漿阿華田西多士 🥰但緊係要食完鹹嘢先可以食甜品嘅，menu 入面車仔麪同埋煎餃都好吸引，所以我哋就 all in 全都要！值得一提嘅係佢哋嘅食物都係唔落味精，食得安心又放心。車仔麪d 料都好多，豬骨雞湯底同各種配料都好夾，加啲腩汁已經好夠味。香辣豬紅的骰嫩滑唔腥；豬腸肥美，清得乾淨無異味；香辣魷魚切得比較幼細，食落好似魷魚麵咁樣，爽口不膩🦑 （呢個幾特別）~食嘅時候可以加埋枱面自家製嘅辣菜脯更加惹味！煎餃有唔同口味，我哋就要咗芝士粟米同埋韭菜豬肉雙拼煎餃🥟 真係估唔到咁好食，即刻新鮮煎脆口亦唔會好油膩，食落係卜卜脆加好足料。韭菜豬肉肉汁豐富，仲有好香嘅韭菜味。芝士粟米入面係半流心狀態嘅芝士仲有少少拉絲！芝士味唔會好鹹好搶所以無咁膩，唔錯。兩款都各有千秋，每日新鮮包製果然係唔同啲！西多士加入Nutella 夾心，而面頭層鋪滿阿華田粉增加咗個脆脆嘅口感，一切開滿滿嘅流心即刻湧出嚟！好邪惡但唔覺唔
但緊係要食完鹹嘢先可以食甜品嘅，menu 入面車仔麪同埋煎餃都好吸引，所以我哋就 all in 全都要！值得一提嘅係佢哋嘅食物都係唔落味精，食得安心又放心。
車仔麪d 料都好多，豬骨雞湯底同各種配料都好夾，加啲腩汁已經好夠味。
香辣豬紅的骰嫩滑唔腥；豬腸肥美，清得乾淨無異味；香辣魷魚切得比較幼細，食落好似魷魚麵咁樣，爽口不膩🦑 （呢個幾特別）~
食嘅時候可以加埋枱面自家製嘅辣菜脯更加惹味！煎餃有唔同口味，我哋就要咗芝士粟米同埋韭菜豬肉雙拼煎餃🥟 真係估唔到咁好食，即刻新鮮煎脆口亦唔會好油膩，食落係卜卜脆加好足料。
韭菜豬肉肉汁豐富，仲有好香嘅韭菜味。芝士粟米入面係半流心狀態嘅芝士仲有少少拉絲！芝士味唔會好鹹好搶所以無咁膩，唔錯。兩款都各有千秋，每日新鮮包製果然係唔同啲！
西多士加入Nutella 夾心，而面頭層鋪滿阿華田粉增加咗個脆脆嘅口感，一切開滿滿嘅流心即刻湧出嚟！好邪惡但唔覺唔覺竟然清曬，大大滿足！（果然甜品係有第二個胃）
爆漿阿華田西多士
2 瀏覽
0 讚好
0 留言
張貼
