影片
更多
2024-01-18
828 瀏覽
同朋友經常到大帽山遊車河 但好少早起飲早茶今次睇完日出🌅終於有機會一早到川龍村體驗同行朋友之前試過幾次 今次佢帶我見識見識👍🏼一到埗單行車路路口已經十分擠擁 一方面有車想出 另一面又有車龍想擁入去 未入門口已要不斷在斜路倒車讓路🏎️🏎️入到村分兩路 可選擇直入茶樓側邊空地（離開時只能倒車出大路） 或較遠的空地 空地亦是擠滿大大小小的車輛‼️⚠️注意：繁忙時段十分考驗泊車技術⚠️😂泊好車終於入到茶樓 人頭湧湧自己搵位 地下有間房係好多伯伯同雀籠 另外的房間已坐滿行樓梯走上天台露天位置及有蓋位置亦不乏等位茶客 通常都要同其他人搭枱太陽猛烈時🌞記住要太陽眼鏡🕶️等遮陽物品😂另要小心有麻雀便便😂😂多年特色係自助拎茶壺加茶葉、沖茶、拎點心樓梯十分窄而且地面濕滑 只夠一人通過 捧住托盤及點心上落時務必小心‼️至於食到咩點心視乎緣份😂😂老闆有時會開咪廣播有啲咩款式可供選擇 喺樓下點心區見到有咩食就自己拎 仲有樽裝維他奶等飲品埋單要叫姐姐過嚟數碟計錢 我地最後都唔知每個籠、每隻小碟、茶位係幾多錢😂😂價錢是個迷😂😂合理公道就算了🫡以上點心盛惠$160/2人▪️馬拉糕 比較好的點心之一 大件又高身 口感鬆軟帶少許蛋香味
今次睇完日出🌅終於有機會一早到川龍村體驗
同行朋友之前試過幾次 今次佢帶我見識見識👍🏼
一到埗單行車路路口已經十分擠擁 一方面有車想出 另一面又有車龍想擁入去 未入門口已要不斷在斜路倒車讓路🏎️🏎️入到村分兩路 可選擇直入茶樓側邊空地（離開時只能倒車出大路） 或較遠的空地 空地亦是擠滿大大小小的車輛‼️
⚠️注意：繁忙時段十分考驗泊車技術⚠️😂
泊好車終於入到茶樓 人頭湧湧自己搵位
地下有間房係好多伯伯同雀籠 另外的房間已坐滿
行樓梯走上天台露天位置及有蓋位置亦不乏等位茶客 通常都要同其他人搭枱
太陽猛烈時🌞記住要太陽眼鏡🕶️等遮陽物品😂
另要小心有麻雀便便😂😂
多年特色係自助拎茶壺加茶葉、沖茶、拎點心
樓梯十分窄而且地面濕滑 只夠一人通過 捧住托盤及點心上落時務必小心‼️
至於食到咩點心視乎緣份😂😂老闆有時會開咪廣播有啲咩款式可供選擇 喺樓下點心區見到有咩食就自己拎 仲有樽裝維他奶等飲品
埋單要叫姐姐過嚟數碟計錢 我地最後都唔知每個籠、每隻小碟、茶位係幾多錢😂😂價錢是個迷😂😂合理公道就算了🫡以上點心盛惠$160/2人
▪️馬拉糕
比較好的點心之一 大件又高身 口感鬆軟
帶少許蛋香味 整體不錯
▪️咖哩魷魚
味道不錯 份量都幾多 配料仲有蘿蔔
魷魚較為彈牙可以再腍啲👌🏼
▪️牛肉球
一碟兩粒 都算大粒而且帶有陳皮香味 底層仲有少量腐皮
▪️燒賣
一籠四粒 肉質比較紮實 唔會有太多肥豬肉 溫度唔夠熱 不過不失
▪️叉燒包
包身偏硬較為乾 叉燒餡料味道可以份量足夠👌🏼
▪️雞扎
正正常常 中間有火腿等雞扎必有配料
▪️鳳爪
鳳爪較為乾身 指甲好長😂 唔算多肉
▪️鮮竹卷
一碟有三大條鮮竹卷 外層的腐皮乾身偏硬 好彩餡料算多 有蝦肉及豬肉等
今次冇叫端記名物—西洋菜 菜係村內自家種植 價錢唔平 有興趣大家可以去試👍🏼
未試過的朋友：
如果想感受熱鬧早茶氣氛 不妨一試端記
如果你講究舒適衛生、食物質素、味道及服務 就唔洗特登行山、揸車或搭車嚟呢度啦🤣🤣
張貼
