協奏坊西餐廳 (已結業)

睇YouTube見有人推介九龍珀麗酒店自助午餐好抵食，每位只係$128 ，同老婆星期日去試試。自助午餐設於協奏坊餐廳。中午12:30到達，客人都算多。食物種類不算好多，但總括味道算不錯。最好味首推醬燒骨，排骨幾入味，肥瘦適中。燒雞翼亦算唔錯，豉汁蒸魚塊味道亦合格有餘。沙律亦有供應，雜果沙律生果算新鮮，蔬菜沙律有幾款醬汁任揀，蔬菜亦算新鮮。另有炒飯及茄汁意粉供應，相比之下，炒飯略勝一籌。咖喱角及香腸等亦有供應，味道普普通通。甜品方面，總括來說，麵包布甸做得最出色。生果亦有幾款供應。值得一提，酒店員工有禮貌，收碟速度亦快，最後埋單時，經理主動免收加一服務費，值得一讚。總括來說，以此價錢，唔可以有什麼要求，但食物味道，帶嚟一啲驚喜，算不錯。