影片
更多
2012-08-19
25 瀏覽
銅鑼灣開左新商場之後真係比人山人海更人山人海! 搵食艱難係在所難免。不過係金牌小龍等位就真係一肚氣。我明白佢可以打電話訂位，walk-in客人就當然要等耐少少。但係我3個人齊晒等位等足45分鐘,期間有起碼5張「2人枱」,2張「多人枱」(5人以上)入座。無錯,二人枱係唔夠坐,不過佢係2個人入座坐4人枱; 5位又係入去坐4人枱! 等位都等到一肚氣! 入到去叫野,食物款式比鼎泰豐少,但係價錢就差唔多。入單係同鼎泰豐一樣,自己係上面寫。我地3個人諗住揀幾樣食住先,揀左小籠包、擔擔麵、排骨蛋炒飯同埋紅油抄手。除左個排骨蛋炒飯有D水準,抄得幾似鼎泰豐之外,其餘幾款都係鼎泰豐好食過佢 (價錢一樣就當然會比較)。正想加單之際,隔離枱有3位職員,包括個經理,係度擺緊張6人枱。當我地叫佢埋黎,佢就話等陣,我地當然明白。點知佢地3個人執完位,其中2個行左去,得返個經理係度招呼o個6個外國客人 (西方人)。完全無人記得我地叫過佢。等左一陣,我地覺得係依間食店入面我地都係不受歡迎,所以決定走。(既然想叫加單唔成功,咁叫埋單啦!)張單$199.1, 我地俾$200佢,叫佢找返黎。(佢有加一,而且服務香港人的態度咁
入到去叫野,食物款式比鼎泰豐少,但係價錢就差唔多。入單係同鼎泰豐一樣,自己係上面寫。我地3個人諗住揀幾樣食住先,揀左小籠包、擔擔麵、排骨蛋炒飯同埋紅油抄手。除左個排骨蛋炒飯有D水準,抄得幾似鼎泰豐之外,其餘幾款都係鼎泰豐好食過佢 (價錢一樣就當然會比較)。正想加單之際,隔離枱有3位職員,包括個經理,係度擺緊張6人枱。當我地叫佢埋黎,佢就話等陣,我地當然明白。點知佢地3個人執完位,其中2個行左去,得返個經理係度招呼o個6個外國客人 (西方人)。完全無人記得我地叫過佢。等左一陣,我地覺得係依間食店入面我地都係不受歡迎,所以決定走。(既然想叫加單唔成功,咁叫埋單啦!)
張單$199.1, 我地俾$200佢,叫佢找返黎。(佢有加一,而且服務香港人的態度咁差,為左啖氣,一毫子都要佢找啦) 結果佢找左9個一毫子俾我。(可能佢真係得返D一毫子啦...)
等位其間的有趣事情: 話說佢有個玻璃窗係專登俾你睇佢D師父整小籠包的。眼見4個師父,又專登拎個電子磅黎磅住每粒小籠包的重量,覺得好似好足料。不過,佢除左足料之外應該都仲加左料! 其中一位年紀較大的師父包包下小籠包眼痕,用手狂卒對眼,卒左2分鐘之後,佢若無其實咁繼續包! 雖然其實其他食店都一定有依D問題,而且我食完都無肚痛,但係你俾得人睇你整食物,唔該都檢點少少啦。
總結: 價錢同鼎泰豐一樣,等位時間又同鼎泰豐一樣,食物質素比鼎泰豐差,服務態度(對非遊客)就更加係差極!
張貼