北海道牧場餐廳 (已結業)

今日，我約左個團友去食晚飯。見好耐無食過北海道，就去食下啦。一入去，同以前有好大分別。以前係我舉隻手，侍應就會迎接我落單：而家我要走去收銀處俾錢落單。望下個餐牌樣樣至少40幾蚊，咁就叫左個Juicy 和牛漢堡扒、火腿、北海道3.6牛乳炒蛋多士套餐再加一個迷你通粉。之後三分幾鐘之後上菜，先上個通：個通粉好大陣罐頭湯味,熱度係夠熱。但個味就真係有點假。個通粉個份量係好迷你，都唔知有無半碗飯咁多。之後就上果個和牛；碟上有個黑椒汁、和牛、33.6牛乳炒蛋和多士：多士唔夠熱；牛油有搽，但無牛油香；3.6牛乳炒蛋完全唔知D咩事，食落去奶味又無、蛋味又無、炒蛋外型似唔係一路用細火煮一路搞；搞到蛋好鞋。個和牛漢堡扒係厚就厚啦，係keep 到牛的肉汁：牛的熱度可以話俾你聽，無。本人建議：1.      我會覺得食一個餐要60幾蚊，你食物的質素要令人覺得值！至少啲野要夠熱。2.      服務pattern由侍應主動落單改到自己去收銀處俾錢。完全唔覺有服務可言。