影片
更多
2022-04-29
987 瀏覽
終於等到晚市堂食歸來，即刻來個飯聚先！久唔久都會黎海王一轉，水準算是比較穩定。不知道停咗晚市咁耐會變成點呢？6點半來到已經坐咗4成枱。望到枱上個牌做龍蝦餐，另外點兩set 孖寶(A+D)，唔使煩！想落單之際聽到隔離枱嘈話D龍蝦凍，唔夠熱，嚇咗我地一跳！部長好快過嚟了解，話再做過俾佢地。我地都hold 住唔落單，等一陣先。冇耐見隔離枱再上龍蝦，今次冇投訴喎，我地先落單。原本個餐係上湯龍蝦，但我地都驚中伏，寧願加$50轉芝士龍蝦。好快已經上菜。菠蘿咕嚕肉：香口，夠大碟，好味！百合炒上素：麻麻地，碎濕濕，又細碟。蟶子皇：新鮮嘅，但係啲粉絲偏乾。乳豬件：脆口但偏肥，份量少得幾件。芝士龍蝦：大路貨色，伊麵底比較乾。多啲芝士會好食啲。總括嚟講，味道不過不失啦！見個場未到7點已經坐滿。望下隔離左右上菜都係熱到標晒煙咁。應該真係聽到食客意見，立即有改善，算係咁！計番二百幾蚊一位。政府請！(消費券)
久唔久都會黎海王一轉，水準算是比較穩定。不知道停咗晚市咁耐會變成點呢？
6點半來到已經坐咗4成枱。望到枱上個牌做龍蝦餐，另外點兩set 孖寶(A+D)，唔使煩！
想落單之際聽到隔離枱嘈話D龍蝦凍，唔夠熱，嚇咗我地一跳！部長好快過嚟了解，話再做過俾佢地。我地都hold 住唔落單，等一陣先。冇耐見隔離枱再上龍蝦，今次冇投訴喎，我地先落單。
原本個餐係上湯龍蝦，但我地都驚中伏，寧願加$50轉芝士龍蝦。
好快已經上菜。
菠蘿咕嚕肉：香口，夠大碟，好味！
百合炒上素：麻麻地，碎濕濕，又細碟。
蟶子皇：新鮮嘅，但係啲粉絲偏乾。
乳豬件：脆口但偏肥，份量少得幾件。
芝士龍蝦：大路貨色，伊麵底比較乾。多啲芝士會好食啲。
總括嚟講，味道不過不失啦！
見個場未到7點已經坐滿。望下隔離左右上菜都係熱到標晒煙咁。應該真係聽到食客意見，立即有改善，算係咁！
計番二百幾蚊一位。政府請！(消費券)
新鮮菠蘿咕嚕肉
27 瀏覽
0 讚好
0 留言
如意百合炒上素
20 瀏覽
0 讚好
0 留言
蒜蓉粉絲蒸聖子皇
26 瀏覽
0 讚好
0 留言
脆皮乳豬件
24 瀏覽
0 讚好
0 留言
芝士焗澳洲龍蝦伊麵
21 瀏覽
0 讚好
0 留言
張貼
