Natural Chiffon (已結業)

今日約左九位好朋友參加灣仔區議會舉辦既溫馨家庭盤菜宴，咁啱今日又係我生日，所以好開心，點知竟然仲有驚喜喎就在開席前我的好朋友送上一盒Cupcake原來她是早有準備的，內有十個不同款式的Cupcake，每個Cupcake都好靚好精致靚到唔捨得食，因為Cupcake色彩繽紛又靚又立體，做Cupcake既師父一定用左好多時間及心機去做的，大家唱完生日歌食完盤菜就馬上品嘗Cupcake喇，當晚因為太飽所以十個人分享左兩個Cupcake其餘分配給各人帶回家，我帶左兩個回家，放入雪櫃分兩日食，Cream唔係太軟有口感而且仲有唔同既味道添不過略甜，我發覺即日食同隔左一兩日食既味道都保持到喎！朋友諗住每人帶一個Cupcake回家，所以問店員取了十個小盒，小盒無另外收費