影片
更多
2024-01-03
1142 瀏覽
之前幫襯過鰂魚涌英皇道東達中心 11 樓嗰間人氣西餐廳「AGE Cuisine Express」，對店舖嘅食物和服務質素，印象甚佳。最近應友人邀約再訪，原來餐廳搬咗過去同層另一個單位，店面比前更加闊落，裝修清雅，而且設有梳化座位同 Party Room，非常適合同朋友嚟聚餐。我哋點咗沙律同前菜，另外再加咗一份 Set Dinner。晚餐包是日餐湯、主菜、飲品及甜品。今日嘅餐湯係大蒜薯仔湯，湯身濃香稠杰，蒜味頗突出，飲完好暖胃。煙三文魚牛油果醬，蘋果沙律伴腰果仁 ($92) 沙律用料好豐富，有煙三文魚、牛油果醬、青蘋果、沙律菜、麵包粒、椰菜花、紫洋蔥同車厘茄。三文魚油潤肥美，煙熏味香濃，令人食慾大增。沙律菜好新鮮，入口相當清甜；麵包粒脆卜卜，配上香軟 creamy 嘅牛油果醬，非常美味。香脆蝦多士伴華都夫沙律 ($88) 多士炸至金黃香脆，蝦膠彈牙爽身，面頭滿佈粒粒白芝麻，伴上以青蘋果、椰菜花、紫洋蔥等炮製嘅沙律，滋味又滿足！香煎刺身級油金魚柳及大虎蝦伴魚籽醬 ($222) 魚柳煎得啱啱好，肉質結實，啖啖肉又無骨、虎蝦大隻爽彈；配菜有薯仔、椰菜苗、甜椒同車厘茄，有營又健康。跟餐仲有
之前幫襯過鰂魚涌英皇道東達中心 11 樓嗰間人氣西餐廳「AGE Cuisine Express」，對店舖嘅食物和服務質素，印象甚佳。
最近應友人邀約再訪，原來餐廳搬咗過去同層另一個單位，店面比前更加闊落，裝修清雅，而且設有梳化座位同 Party Room，非常適合同朋友嚟聚餐。
我哋點咗沙律同前菜，另外再加咗一份 Set Dinner。晚餐包是日餐湯、主菜、飲品及甜品。今日嘅餐湯係大蒜薯仔湯，湯身濃香稠杰，蒜味頗突出，飲完好暖胃。
煙三文魚牛油果醬，蘋果沙律伴腰果仁 ($92) 沙律用料好豐富，有煙三文魚、牛油果醬、青蘋果、沙律菜、麵包粒、椰菜花、紫洋蔥同車厘茄。
三文魚油潤肥美，煙熏味香濃，令人食慾大增。沙律菜好新鮮，入口相當清甜；麵包粒脆卜卜，配上香軟 creamy 嘅牛油果醬，非常美味。
香脆蝦多士伴華都夫沙律 ($88) 多士炸至金黃香脆，蝦膠彈牙爽身，面頭滿佈粒粒白芝麻，伴上以青蘋果、椰菜花、紫洋蔥等炮製嘅沙律，滋味又滿足！
香煎刺身級油金魚柳及大虎蝦伴魚籽醬 ($222) 魚柳煎得啱啱好，肉質結實，啖啖肉又無骨、虎蝦大隻爽彈；配菜有薯仔、椰菜苗、甜椒同車厘茄，有營又健康。
跟餐仲有一客甜品，擺盤非常精美，內有 brownie 同 tiramisu，為晚餐劃上完美句號。
張貼
