太平洋咖啡

營業中

休息中

Pacific Coffee成日都好多優惠，本人長期都袋住啲優惠券喺身，得閒就入去整返杯咖啡。太古城中心都係我成日會去嘅分店。。環境太古城中心分店好多座位，又高檯又有普通檯可以揀，又有好多唔同種類嘅櫈，又梳化又盛。黃昏時，都見到有啲人用電腦做野、睇書、做功課咁。不過呢，自從隔離開左間火鍋店，就嘈左好多，間唔中仲有啲味飄過黎，所以坐返近cashier會好啲。。飲品本人通常都會叫tall size cappuccino，最正嘅係，叫extra shot係唔駛加錢，啱晒鍾意咖啡味濃啲嘅人。。服務連鎖咖啡店通常冇服務可言，員工通常都黑口黑面，或者成日玩電話。但太古城中心分店有個深色衫哥哥仔，服務態度良好，非常醒目，做野快手！唔係性別歧視，但呢度遇過幾個女職員都好唔掂。