Yo Bago (已結業)

呢間餐廳係朋友介紹，因為傾開香港無乜地方可以買到Bagel，朋友就話原來鰂魚涌有一間餐廳就算係食Bagel，不過營業時間就比較難去。所以今次要去太古做野就順便早啲去食返個早餐先。舖頭唔係算特別顯眼，所以原來經過過好多次都無發現。平日朝早無乜人。一坐底已經見到好大個Menu放咗係枱。叫咗個早餐，可以㨂唔同味cream cheese嘅set，價錢三十零蚊，算合理。我就揀咗藍莓味嘅cream cheese，等咗成三個字見隔離有得食都未有，要再催先有，得三位客人都等咗三四個字真係有啲耐嚟到嘅Bagel同我以往食過日式台式嘅貝果唔同，因為店主係加拿大返嚟，佢地食嘅偏美式嘅Bagel，比平時食嘅扁身啲，亦都大舊好多。入面嘅cream cheese好好味，藍莓味好重，cream涷涷地，加上個包軟軟，食上去好搭，口感好好！