影片
更多
2014-07-24
5875 瀏覽
同男朋友慶祝生日，見堅尼地城呢間餐廳係米之蓮推介，就來呢度慶祝啦！(其實係滿足自己食慾 )呢間餐廳的侍應好有禮，招呼真係好好，會主動推介有咩係特色野食我地點咗一個傳統的頭盤，salt cod brandade，咸咸地的鱈魚加埋薯仔整成蓉，仲有黑松露的味，成個感覺好新鮮，有種黏黏地的感覺，搽落麵包度食一流~Caesar salad就正正常常咁，比平時食開嘅佢多一隻溫泉蛋~main course我地叫咗lobster pasta，大大隻龍蝦真係好新鮮，係必食推介，但由於佢係屬於海鮮類別，所以通粉得好少XD我地仲叫咗個燜兔肉rabbit leg，我地兩個都未試過食兔肉..所以有啲緊張，唔...用紅酒嚟燜的兔脾，肉好軟，一切落去就溶，質地有啲似雞肉，正！甜品我叫咗Mille-feuille，似平時食的拿破崙，waiter 哥哥話，呢款係正宗的，中間有吉士醬，但就冇水果~酥皮整得好鬆化，值得推介~！男朋友叫了brownies，只能說，真係好好好甜，我覺得太甜了，隔離的cream都係甜甜甜，但醉翁之意不在酒，因為我一早已叫定waiter幫手插支爉燭仔喺甜品度，waiter哥仲投入埋一份祝佢生日快
同男朋友慶祝生日，見堅尼地城呢間餐廳係米之蓮推介，就來呢度慶祝啦！(其實係滿足自己食慾 )
呢間餐廳的侍應好有禮，招呼真係好好，會主動推介有咩係特色野食
我地點咗一個傳統的頭盤，salt cod brandade，咸咸地的鱈魚加埋薯仔整成蓉，仲有黑松露的味，成個感覺好新鮮，有種黏黏地的感覺，搽落麵包度食一流~
Caesar salad就正正常常咁，比平時食開嘅佢多一隻溫泉蛋~
main course我地叫咗lobster pasta，大大隻龍蝦真係好新鮮，係必食推介，但由於佢係屬於海鮮類別，所以通粉得好少XD
我地仲叫咗個燜兔肉rabbit leg，我地兩個都未試過食兔肉..所以有啲緊張，唔...用紅酒嚟燜的兔脾，肉好軟，一切落去就溶，質地有啲似雞肉，正！
甜品我叫咗Mille-feuille，似平時食的拿破崙，waiter 哥哥話，呢款係正宗的，中間有吉士醬，但就冇水果~酥皮整得好鬆化，值得推介~！男朋友叫了brownies，只能說，真係好好好甜，我覺得太甜了，隔離的cream都係甜甜甜，但醉翁之意不在酒，因為我一早已叫定waiter幫手插支爉燭仔喺甜品度，waiter哥仲投入埋一份祝佢生日快樂haha真係好好的氣氛!!
呢餐好有surprise，係有心去整的野食，餐廳服務都好好
張貼
