影片
電話號碼
+853 2833 0448
付款方式
以上資料只供參考, 請與餐廳確認詳情
呢間餐廳本地人去多, 都幾出名的, 但都幾貴, 如果你鍾情於泰國菜就不要來, 所有的酸和辣在此顯得好遜色, 因為調較過黎迎合本地人需要... 門口真係幾隱閉, 招牌又冇雷公咁高, 要靠的士佬搵了!一坐低就先送上蝦片, 呢隻蝦片本來都不太討好, 始終都喜歡酒樓五顏六色果隻, 一食之下竟然冇那口既感覺, 好好味又鬆脆, 真係呢款蝦片第一次覺好食!呢度既招牌菜"醃通菜", 好新奇, 但其實係炸的, 你食唔到菜味, 只係食到炸漿味, 隔離兜野係冇味的又唔辣, 用黎佐酒係一流.... 蝦醬炒飯, 果幾粒臘腸有層獻汁響面, 攪到d臘腸太甜了! 本身都已經甜架啦! 就咁乾煎咪幾好! 蝦亦都唔係用蝦皮同d飯撈勻, 用左高貴的大蝦米, 攪到飯少左種蝦味, 差!!!炒雜菜, 硬係食唔到魚露味..... 唔好當泰國菜咁食... 唉... 完全唔酸唔辣既冬陰公湯! 唔冬唔陰! 淡! 濕炒河粉, 我響泰國都唔會叫的一味, 因為點整都係差, 茶記既濕炒牛河還要好好多....魚肚羹, 好味, 料好多! 粉絲蝦煲, 終於搵到地道味道既野食喇! 真係有地道果陣臭臭味! 只係我不喜呢種味...炸蝦餅, 蝦肉豐滿彈牙香口, 只係冇黃色果種醬....整體而言, 冇下次, 我喜歡比較地道既口味, 四人食, 呢度份量係多左d, 貴都好合理, 但係我都睇過獨立價, 真係唔好諗住會平囉! 價錢去左裝修服務賣相度, 有點似白蘭花feel...
繼續閱讀
行左轉賭場..夠食幾餐朋友介紹幾好食既泰國菜 一樓仲有泰國歌聽..!!但冇帶相機,冇影相...好食..生蝦刺身..唔同日本果隻入口"痴立立"泰國呢隻好爽但冇咩鮮咩..點果個汁食一流..燒豬頸肉..好爽好夠油份..但切得太細舊..唔好食..東陰公湯..太酸喇..仲有太多香矛..入口已經想.....紅酒雞亦..唔似用紅酒..似咕嚕多d..汁酸..雞亦炸得太乾身..燒牛肉..同街市買果d牛排差不多..冇味..
繼續閱讀
話說那天幾位朋友到廚屋食晚飯，剛巧我也在荷蘭園附近接過他們電話數分鐘後便到店內；說就說得動聽請我，點餐我也沒份點，來到的時候已經上好菜式了，原本想點粉絲蟹煲"醃"下他們也來不及了．．嘻嘻．點的都是大路的菜款，炸蝦餅／炒通菜．．．．普通非常．．．．．醃生蝦．．．向來我都不會點選不會吃的菜款；鐵板海鮮，好像與其他一品煲的味道差不多．．賣相亦似．．．只不過是用鐵板盛著而已．．．．最後到泰式富貴魚了，湯頭不算濃郁也帶不出魚的鮮味，中規中矩吧．若有下次，還是我點菜好了．．．．．既然是被請，來個蟹煲"醃一醃"先！！！嘿嘿．．．！！
繼續閱讀
由於位置關係, 一直都覺得呢間餐廳有點似黑店, 但原來俾佢既外表欺騙左, 入去食過會充滿驚喜.一坐底就有籃炸蝦片上枱, 好大籃, 有十幾廿塊, 幾辣幾脆, 正!打開個餐牌, 價錢中等, 一般都係幾十蚊一個菜, 富貴魚呢o的海鮮就貴o的, $120.我地三個共叫左五個餸, 結果上菜時, 嘩!! 碟碟都好大碟, 真係叫多兩個人黎食都夠.炒雜菜, 冇咩特別, 不過量幾多同埋真係幾多唔同款式既菜 (唔似得有o的店實質椰菜為主)粉絲煲, 差不多有個半公仔麵咁多, 而且個底唔會放太多肥豬肉, 好夠味.燒尤魚, 一個人食都未必食得晒, 幾香幾"淋", 好易咬開, 有少少似o的街邊韓式燒尤魚咁"淋".炸蝦餅, 超大件, 好似M仔塊魚柳咁, 差不多厚, 只不過係細少少, 好足料, 食到第二件時已經覺得好頂.甜酸倉魚, 諗住$60都唔會太大條, 最多兩隻掌心咁大, 點知係再大多一半, 好厚肉, 而且個味調得唔錯.三個人飽到上心口但都仲有好多野未食晒, 而且兩層既店晚上約七點半已經坐滿人.真係估佢唔到咁好食咁抵食.
繼續閱讀