影片
開飯介紹
雪園世家走年輕化路線，價錢相宜。蟹粉小籠包不能錯過。
繼續閱讀
營業時間
星期一至日
11:30 - 15:00
17:30 - 23:30
以上資料只供參考, 請與餐廳確認詳情
招牌菜
這一頓飯跟平時不一樣，因為是另有目的，所以除了品嚐食物的味道外，還有其他東西要留意。不過都習慣了，我經常都會這樣的。點菜由老闆話事，也因為某些原因，主力會吃上海點心，只要少許熱菜便是。當老闆對住餐牌在煩惱吃什麼之際，我已毫不客地吃著花生米等食。這兒的花生，色水偏黑的，大概是沒有過水，所以亦未能做到脆卜卜。小籠包都點了兩籠，分別是蟹粉和灌湯，兩者均是皮薄而汁多，夾起不輕易穿，包得幾好。餡料方面，肉亦鮮，當然在蟹粉在內的那隻，會更香更有口感，這是必然的。另有素菜包，包皮發得十分鬆軟，很有水準，「按板」的功勞可不少；同時餡料味道對路，幾鍾意有粟米粒在入面，可以提升口感。總覺得吃上海菜，肥肉是不可缺的，因此亦有叫東坡肉。很不幸地，這味東坡肉跟濃油赤醬扯不上任何關係，頂頭的肥肉部份尚算豐腴，但瘦的位置完全唔得鬆化，有待改善。吃了肥的，再來個清清地既菜中和一下，豆苗翠綠，幼滑可口，沒有「骨」，始終現在開始是豆苗當造的季節，因時而食，總不會錯的。老闆說喜歡食湯丸，因可以想起家鄉，今次亦點了一碗(四粒)兩份食。是薑茶湯丸來，辣味十足，喝了很暖身舒服。湯丸外皮煙韌軟糯，黑芝麻餡雖不致流出來，卻味道濃郁。看老闆滿足的樣子，知道是對口胃的了。呢餐飯，是食「阿公」的，不過世界上係冇免費晚餐，之後我有不少東西要follow up ~更多相片可見：http://fabricelau.blogspot.com/2010/11/blog-post_14.html?utm_source=BP_recent
繼續閱讀
許多肥美食材的登場日子，老爸說想食上海點心，星期日試試去雪園世家，居然意外地少人，叫了一個四人套餐+點心+炒粗....，要了兩款冷盆選: 鎮江肴肉- 一般雞絲粉皮- 一般4件蟹粉小籠包-又香又熱, 很多汁, 好味道!砂鍋雲吞雞 -最好味的，雞肉好味又嫩滑，雞湯很濃味酸辣蝦球-帶點辣,很惹味糖醋魚柳-酸酸地幾開胃咸肉菜炒飯-幾好, 夠惹味上海炒粗-炒得不錯, 麵身很有嚼勁, 不太油膩點心要了蔥油餅-不太油膩, 蔥油好香口 唔生煎包-好好食, 湯汁好熱椰汁千層糕一般般高力豆沙香蕉-Wonderful!! 值得推介。看得出是用心做的，值得下次再來過!
繼續閱讀
五個同事點了一個四位餐(另有六位餐), 飽飽的。兩款冷盆選了: 鎮江肴肉、蔥油蜇頭主食選了: 咸肉菜炒飯4件小籠包 (加左一隻小籠包 $5)4件椰汁千層糕主菜選了: 紅燒獅子頭、糖醋魚柳 鎮江肴肉 - 長方柱體, 幾清涼、沒有膩的感覺。 蔥油蜇頭 - 爽、粗、夠有舊, 醒胃之選。 咸肉菜炒飯 - 一般 小籠包 - 一般 紅燒獅子頭 - 幾好, 夠惹味, 很多汁。 糖醋魚柳 - 醬汁味道適中, 也是醒之選。 高力豆沙香蕉 - 今次無點, 但值得推介。茶錢每位 $5
繼續閱讀
男友話想食點心 就去左呢間試下...入到去先知係上海野... 點心都有 但都係上海style 唔緊要, 照食! 羅白絲酥外層係酥皮 裡面有羅白絲 濕濕地都幾ok真材實料 食一粒都滯滯地蔥油餅2件餅 一件切開四份 總共八份都幾好有 蔥油好香口 唔會覺得太油膩生煎包咬開有湯汁流出黎 好食但小心湯汁太熱上海雲吞一碗八粒 都好食我地倒左少少醋落去 (醋係跟生煎包上) 另有一番風味火腿津白 (因為覺得點心太油膩 所以叫個菜平衡下)上湯浸 好食津白上面有四塊金華火腿 薄薄地 方便整碎曬佢地 撈埋津白一齊食(呢個係男友自己發明既食法)星期日lunch time都唔洗等位 又唔太嘈 幾好枱與枱之間好鬆動 唔似一般茶樓咁迫雖然無廣東點心 但閒時食下上海點心都幾好呀待應一見到個茶壺開左蓋 (meaning 要加水) 就好快手!$160/兩位 我覺得好超值
繼續閱讀
今晚要返黎婆婆屋企，所以隨意地揀左呢間上海菜館…六點幾去到，佢要我地八點鐘交檯，都唔緊要啦~ 我地坐底之後諗左一陣就決定左要一個四人餐，都唔想諗咁多…套餐包括：雲吞雞湯 - 每碗有兩粒小雲吞，湯又唔似雞湯…不過都唔大期望~雞絲粉皮 - 麻醬唔夠所以唔夠撈，雞絲同青瓜絲都偏少，唔好食~小籠包 - 一般貨色，雖然好有湯，不過豬肉太瘦皮大厚，唔得~肴肉 - 第一次食，四四方方既肉冇乜味…唔識~糖醋蝦仁 - 酸酸地幾開胃，但係食多兩塊就覺得太酸，蝦仁好爽冇乜雪味，可以啦~(翠玉瓜?)炒燻魚片 - 我唔記得係咪翠玉瓜呀，呢個送好冇誠意，好似平時去酒樓食團年飯個D獻汁…唔難食~高力豆沙 - 暖暖既，全晚最好食，高力炸得好鬆軟，豆沙甜度適中~落單之後都唔駛兩分鐘就已經到齊哂頭盤，跟住一分鐘之後就成檯都係食物！跟本一開始叫餐就係錯~ 最後我地叫多左個擔擔麵，呢樣就等左二十分鐘先到…顏色做得唔錯，不過冇麻醬香既，麵亦都煮得太腍…唔合格~埋單 $380上海菜算平，不過唔好食…同快餐冇分別，我地冇期望咁入去，都可以失望咁出黎…唔覺左有服務，D阿姐淨係隊哂D野上檯…走既時候都係七點半，駛唔駛咁趕呀？
繼續閱讀