影片
以上資料只供參考, 請與餐廳確認詳情
好耐冇黎呢度飲茶喇~見今日較為得閒..就揀左黎呢度食下一盅兩件先~下午茶兩點開始~ 大,中,小,一律$9.8另有$12.8選指定點心兩款既優惠....$12.8 既優惠紙:要左海帶綠豆沙同鮮蝦炸雲吞~另點左叉燒包同羅漢齋粉包~又自己出左小食亭度拎煎雙色糕~先食新鮮煎好既雙色糕, 因為唔特別想食馬蹄糕..要左兩件蘿蔔糕, 一件芋頭糕~每件都煎得好靚...糕面有一層脆口既薄焦...岩晒鍾意香口既我地...蘿蔔糕唔會好粉..食到有蝦米同蘿蔔絲, 少少冬菇粒, 亦有臘腸..味道OK~而芋頭糕係用切成粒粒既粉芋頭..食到有五香粉味道~較為濃味...唔錯~跟住就到新鮮黎到既叉燒包喇...係我每次都要order左野~因為叉燒唔肥..又多汁~包又唔會糊口~好味道....鮮蝦炸雲吞...有d地方只係擺舊肉落去包~唔多吸引~但呢度就算有蝦o係入面都只係收中點錢~炸野當然好味啦~食得多就太熱氣喇....3件份量ok啦~幾扺食~唯獨係唔夠多酸甜醬蘸~自己又懶得出去拎~嘻嘻......至於較少酒樓仲有供應既羅漢齋粉包...就普通d~雖然粉包入面都多餡~但因為米漿太厚喇~仍有進步既空間呢...放到最後先食既海帶綠豆沙...因為係最先拎黎~所以熱都變凍....但唔緊要~幾好~唔太甜...除左有綠豆之外仲有少少西米同好少紅豆~都幾多海帶...用料足~稀杰程度剛好呢~~~~大大碗食得過~^^黎呢度飲茶最緊要就係有耐性~因為人手好少~執枱/ 加水都要等一陣, d侍應太忙~未必會望到你架....我就唔係好介意呢樣野~只要岩食又價錢扺的話~同埋另一個諗法會係可以慢慢座~冇咩人打擾你~得閒可以一試..
繼續閱讀
金融海嘯來襲，晚飯免得了也在家吃飯。在家吃飯又懶得下廚，唯有斬料加送！想吃燒鴨，附近斬料的食肆不多，只有幾間，如不想走太遠的話只有佳餚廚房。很久沒有在此斬料。不來一陣子，價錢好像貴了，半隻燒鴨要五十大元。還記得早一陣子還是四十多元，金融海嘯還不降價？師傅在架上拿起一隻燒鴨，手起刀落把鴨劏開兩邊，順手把鴨裡的精華（汁）倒進盒內。師傅將鴨件，純熟的手勢，不消三兩下便完成。由於斬鴨時面向食客，不能偷工減料。回家，鴨件還是曖的。皮脆，有肉汁，水準實在不錯。最好的是皮下脂肪不太多，可以連皮吃是最好的。五十元的價錢有不只五十元的水準，很不錯。而且鴨的體型大，半隻鴨足夠我與媽媽吃上兩個晚上，很抵的。
繼續閱讀
在炎熱的旺角街道中收到最高指示,要買肥雞和燒肉拜神之用,為求方便走到月巴窩附近的"廚房"買好了。先來貴妃肥雞一大隻,師傅得知用作拜神,小心翼翼把雞件排放好,比平時斬得更仔細!要是沒客人在等,師傅還會將雞胸肉切成扇形放在上面,好漂亮的!今次我就沒有那麼幸運,師傅給了幾片紅腸紅卜卜地裝飾一下而已。 貴妃雞一向是這裡強項之一,酒味相當濃郁,比白切雞的味道更勝一籌;用上冰鮮雞雖然沒有什麼雞味可言,但雞肉仍算滑溜再加上酒香,都是我家斬料加餸首選。再斬三條骨燒腩,師傅竟將燒肉排放得如照片中那麼工整,月巴人買了數十年燒味,還是首次買到如此整齊排放的燒肉,利害!! 撇開美觀外型,燒肉肥瘦相間,肥肉比例較少,所以可以整件消滅,相當暢快!! 味道不是很咸,不會像有些燒肉最底部份總吃到一堆鹽巴,只可惜豬皮不是太脆,要是早一點去買和吃,應該好一點,不過蘸上黃芥末同吃,已經很不俗了。味道雖不算一流,但師傅今次的心機卻是一流,笑臉少不了!!
繼續閱讀
陣係叫左3個點心.......小籠包.. 塊皮超級厚..應該係我咁大個以黎食到最厚既一個仲勁過係超市買果d..肉"鞋"冇汁...其實點果陣都估到但吾知點解仲要點真係自作自受--鳳爪排骨飯d 排骨= =好肥食吾到幾粒肉...仲好有味精味--鯪魚球吾彈牙 + 有骨@@--一樣野吾可以吾提真係嚇死我個待應...竟然用我果張枱布黎抹手....一d 都吾衛生真係嚇死人
繼續閱讀
原來呢度出左夜晚都有得飲茶woo!!!真係好值得推介大家去試試!我呢d上班一族就無咩機會飲到茶, 就算假期都寧願訓覺啦仲走去等位咩!呢間酒樓o岩o岩開始夜晚飲茶嘆吓一盅兩件, 晚上8時開始, 就同早上一樣, 有很多即刻蒸點心, 好好味!有位人兄講呢度d鳳爪正我咪叫兩碟law, 嘩真係正架, d鳳爪又唔會瘦瘦咁一碟仲好多隻, 又試左叉燒飽:餡料份量剛剛好,飽皮好鬆軟新鮮熱辣, 最正就係蝦蛟,估唔到平平地都會咁大粒蝦, 好滿足!!!!晚上又有一好選擇!
繼續閱讀