影片
以上資料只供參考, 請與餐廳確認詳情
無諗過呢間會過完年之後唔做，會搬返去上水。不過無法啦，生意難做嘛。呢日就過黎食最後一餐啦。三文魚南瓜湯其實三文魚既數量都唔算太多，但南瓜味算幾突出。而個忌廉味都算好重，睇得出係好好飲既。羊扒雖然等左好耐，而且唔算太大舊。不過個羊扒勝在唔太"蘇"，而且味道都唔錯。個汁係芥茉汁，好惹味架。凍奶茶都算幾好飲，茶味好濃。又唔算太甜，勝在夠大杯。雖然要走啦，不過希望去到上水會更好啦。
繼續閱讀
有覺得俾人呃左既感覺..前2日見到openrice d好評都幾多,,,見幾出名.又唔貴.又唔遠.就去試下啦...點知...湯唔夠濃...個薯菜係凍既,,...唔知點解咁樣都有咁多人讚好...雖然食物不算太好.不過我覺得服務態度係okay既..特別個老板.好有禮貌.仲事事親力親為tim
繼續閱讀
在雜亂無章的葵涌廣場內,不同人,也裝載著不同的夢想.茶研的老闆,以葵涌廣場作起點,來開始其台式奶茶的事業.在賣少年服裝店舖做Sales的少女,終日對住面前的MK系時裝胡混,深信總有一天會衝出葵涌,進軍Joyce,為各名人闊太服務.三樓農家意粉的老闆,正是昔日"農場餐廳"的老闆,多年前連開分店,身家豐厚,一個金融風暴,便一無所有,更淪為賣書的小販.如今東山再起,先在上水開店,再到葵涌廣場開分店.與女友在店外徘迴,老闆滿帶笑容走出來招呼,先請我們吃些開心果.後帶領我們入座.雖然當年農場餐廳分店眾多,但我只是光顧過一次.事隔多年,印像已模糊.拿著手寫的菜單,不做作,簡潔易明.選擇眾多,其中的安格斯牛扒,更是便宜,幾十塊錢便有交易.結果我倆也要安格斯扒,一個要薄扒,一個要肉眼扒.頭盤是羅宋湯同忌廉湯,普通的茶餐廳味道,可說是不過不失.主菜的安格斯薄扒配青口,另外的配菜是粟米和焗薯.薄薄的牛扒帶點嚼頭,但是肉味有點不足.青口是本地貨,好極有限,伴菜的粟米很甜,而焗薯配酸忌廉,當然好吃,其實,只是區區幾十塊一個安格斯牛餐,還要左挑右挑?另一道是安格斯肉眼,相對肉味較薄扒的濃郁,搭上香濃的蒜茸汁,充份表現出港式的味道.配角的青衣柳,肉質嫩滑.配菜又是粟米加焗薯,整體上水準比薄扒更好.雖然當年他曾經用$1時薪去請人,令我對他印像大打折扣.甚至乎覺得他是一個為富不仁的奸商.但在破產之後,沒有自暴自棄,寧放下身段做小販,也不會放棄自己,家人.現今再次進軍飲食界,姑勿論會否重拾昔日農場餐廳的風光,這種打不死的精神,值得眾港人借鏡.
繼續閱讀
個日行過見到依間唔錯,咪入去try 下我地8個人,佢地冇大枱只好分開坐,,,我4個人一將枱明明我地落枱叫oder先,,唔知點解我班fd重快過我地...咁算la..唯叫staff崔下我d單,睇吓係咪唔記左記,第一次個staff"哦"一聲就算...又等够5min..又問吓la...又冇人理我地...我第2枱d fd食完tim la我地都未嚟...我個餐睇唔過眼...出去同老世講,,,d staff先去追單,,,重要落錯wo...瓈到d野食..牛肉粒有凍...個汁太辣..個三文魚又簿...3cm都冇...我地前後等左over 40min!!!!!!
繼續閱讀
因為住得近, 所以成日都落黎呢度開飯, 細個時好鐘意食農場餐廳, 老闆無變, 仲係當年農場餐廳個老闆, 如果唔係電視有介紹過我都唔記得就係佢.上星期去食時, 老闆埋單時話我地知過年後間鋪就要搬去上水啦, 我一聽: "下! 上水?! 咁即係我以後都唔洗食啦!" 即刻個心都沉埋, 所以今日晚餐去食個勁o既! 留個美好回憶嘛! 今晚係食 12 安士牛扒配蒜蓉蝦, 落單時 waiter 已經講左製作需時, 好! 唔緊要, 慢工出細貨.飲完個三文魚南瓜湯之後, 再等多 10 鐘左右, 終於都有得食啦, 果然不負所望, 大大塊牛扒七成熟, 外脆內"林", 厚得黎一 d 都唔 "un", 好有牛味. 蝦就中規中矩, 如果變成開邊蝦的話會更入味更好.另外之前食過好多次o既薯菜, 佢個醬好特別, 將個薯仔切開再撈埋 d 醬一齊食, 個味道係第二間餐廳做唔到, 幾十蚊一個餐但有過百元食物質素, 真係抵讚!真係好希望農家意粉有一日可以好似當年農場餐廳咁開到全香港都有分店, 咁就可以再次食到咁有 heart 煮出黎的好食物.
繼續閱讀