Video
6-min walk from Exit B, Fortress Hill MTR Station
continue reading
Telephone
96109788 (WhatsApp)
Opening Hours
Today
12:00 - 14:00
19:00 - 22:00
Mon - Tue
12:00 - 14:00
19:00 - 22:00
Wed
Closed
Thu - Sun
12:00 - 14:00
19:00 - 22:00
*Reservation only
Above information is for reference only. Please check details with the restaurant.
About Reward Scheme
介紹返💁🏻♀️。。🇯🇵 Omakase 在北角 🇯🇵。鮨宏 Hiro Omakase。威邦商業中心地下13號舖。福 Fuku 。HKD880 + 10%🤫 我哋預早咗些少Around十一點九十左右到達..咁鮨宏舖頭仔細細..裝修都冇乜點..係乾淨企理壽司吧枱L字型..得十個位嗰種..而特別就特別在壽司由師傅一人主理..感覺好有日本傳統會席Feel嗰種要準時等齊人一齊開席咁😆🤫 等開席嗰十零分鐘..師傅一邊準備食材一邊同我哋閒談吹水..傾傾吓..師傅傾得興起靜靜雞請我哋食佢自家製嘅鰻魚脆骨同炸粟子😍喂～好脆口好惹味喎..師傅即刻話係用好靚嘅油自家炸先做到咁香脆乾身㗎咁話喎🤫 正式開波..先嚟係四色時令刺身..由淡至濃.. 先係野生平政魚配以酸汁調味..野生嘅平政魚有別於飼養嘅..肉質更加彈牙而且淡淡魚香帶微微嘅清甜..師傅叫我哋先食一塊完全唔加調味嘅..然後層層遞進咁樣捲上紫蘇花..再輕Dip酸汁同蔥花..相當講究..試晒三種口味ss🤫 第二三個刺身係成餐最Impress嘅..分別係啖啖肉又超鮮味嘅松葉蟹肉配蟹醋&金蓮葉同埋勁厚肉鮮甜嘅象拔蚌刺身..真係食得出嗰種不時不食嘅真理☺️松葉蟹肉一梳梳混合超提鮮嘅蟹醋啫喱放入口..嗰種令人感動嘅味道行勻所有味蕾🤩而講究位係師傅要我哋留最後一啖蟹肉用的的骰骰嘅金蓮葉包住放入口..金蓮葉自帶嘅輕輕辛辣味猶如一種天然清新嘅調味Refresh我哋嘅口腔😌🤫 然後最後一個刺身係磯煮鮑魚配師傅即場調味嘅肝醬飯..鮑魚有兩大片..又係勁厚肉..彈牙但係一啲都唔韌..而且嗰種磯煮係少有嘅令我覺得唔會太過甜嘅味道..問返師傅先知原來佢係用幾種醬汁同Sake去完成整個蒸煮過程..而鮑魚底下嘅肝醬飯亦都唔係簡單嘅料理..師傅話佢喺烹調鮑魚嘅同時提取咗鮑魚嘅肝醬加以調味再即席混合埋壽司醋飯製作而成..一片鮑魚再加一啖肝醬飯..口感變化多咗..味道亦都變得更加鮮味..真心覺得鮨宏嘅Omakase入邊每一道菜都係嗰種瑣碎但係講究嘅料理🤫 然後就係外表非常之簡單嘅三文魚籽茶碗蒸..開頭諗住平平無奇冇乜特別..加咗幾粒三文魚籽確實係鮮甜好多..點知越食越有..問師傅先知道..嗰種鮮甜唔單止係三文魚籽嘅鮮甜..入邊原來仲有海膽同埋爽口嘅粒貝加埋好多嘅雞肉粒粒..除咗海鮮嘅鮮味仲帶有雞嘅精華..除咗鮮甜都仲係鮮甜😳🤫 即刻嚟嘅壽司部份～第一件係平政魚壽司..咬口依然係彈牙..味道清甜..再一次由淡口開始..然後就係勁新鮮嘅赤貝壽司..赤貝相當重份量..好厚身好大隻..爽口甜美..一放落口就知新鮮☺️🤫 之後就係好少唔需要火炙..味道都非常濃郁油脂滿滿嘅右口魚群邊壽司..據師傅講要真係好肥美嘅右口魚先可以做到唔使火炙都滲滿魚油香氣㗎🤤🤫 第四件壽司係用粉紅岩鹽輕輕調味嘅帆立貝壽司..帆立貝大大粒唔再講..最特別係彰顯到師傅嘅刀工..帆立貝切成花形幼條..口感同平時食嘅好唔同..估唔到簡單嘅帆立貝都可以做到咁有創意🤫 再嚟就係啖啖肉嘅甜蝦壽司..兩隻甜蝦都有手指咁粗..嗰種鮮甜比起平時食細細條嘅真係非常之有落差感..嗰種甜味係會齒頰留香㗎😌🤫 第七件係肥美到黐咗線嘅大拖羅壽司..嗰下好搞笑..咁師傅係兩件兩件咁樣送去俾唔同嘅食客嘅..然後你會聽到兩個兩個食客咁樣讚嘆嗰一件大拖羅嘅肥美..感覺好似係睇演唱會做人浪效果咁..忍唔住同W豬笑咗🤣🤫 讚嘆聲一浪接一浪😆之後呢件雖然都係拖羅..但係成個味覺感官都好大分別..講緊嘅就係呢件火炙大拖羅壽司..呢件火炙大拖羅壽司睇落簡直係好似啲人幫壽司影寫真嗰種靚樣..嗰啲魚嘅脂肪紋理出晒嚟..靚到呢～再加上入口嗰下..我唔識形容..已經諗唔到更加貼切嘅形容詞..總之就肥美到癲咗啦🤤🤫 而最後一件壽司..係爆晒出嚟嘅海膽海苔壽司..啲海膽多到跌咗啲出嚟我個手心🤣多都唔係重點..重點係好甜呀～明明呢個時候都未係海膽最肥美嘅時候..但係呢板赤海膽真係鮮甜到不得之了..再加上嗰塊紫菜勁脆口喎..呢一下係大家都靜咗..係用個心去享受呢一件海膽壽司🥳🤫 壽司部份就係咁圓滿結束咗..唔好以為成件事就係咁簡單..之後嘅汁物係放埋烏冬喺入邊嘅魚湯..一開始覺得有啲古怪..點解會喺個湯度放埋烏冬呢🤔原來師傅認為放埋少量嘅烏冬落去魚湯入邊就能夠令魚湯嘅精華都吸埋入去..真係一滴都唔好嘥呀..好欣賞鮨宏嘅嗰種獨到嘅料理..暫時都未試過其他鮨店有呢個咁強烈嘅感覺🤫 就連最後嘅甜品都極之有驚喜..同一般嘅餓嗎家姐好唔同嘅係鮨宏嘅甜品相當之別出心裁..平時嗰啲頂多俾兩件水果加一球雪糕咁樣就已經算係好有心嘞..而呢度嘅甜品係三色拼盤嚟㗎🤩又係由淡至濃..分別係柑果啫喱..真係喺個橙皮上邊嘅啫喱☺️少少酸少少甜相當清新嘅感覺..然後就係我覺得需要重點推介嘅豆腐Cake..豆腐部份口感有啲似布甸..師傅話佢試過好多種日本嘅豆漿都做唔到佢想要嘅呢種濃郁豆味..最後佢決定自己買黃豆自己磨再整成而家嘅呢個豆腐Cheese Cake..滑溜嘅豆腐布甸下邊有芝士蛋糕嗰種餅底..真係好好味㗎😋而最後亦都係三個甜品裏便最甜嘅..就係水蜜桃啫喱..雖然話係最甜..但係嗰個甜度係我可以接受到嘅..呢個甜品都係差唔多十個食客都一致讚賞㗎～🤫 哎～順帶一提..師傅見我咁好傾..請咗我飲杯佢自家釀製嘅果酒..佢話今期嘅果酒係用咗當造嘅福岡士多啤梨配Whiskey..仲有用Vodka浸釀冲繩菠蘿..唔鍾意士多啤梨嘅我梗係揀菠蘿味啦🤭果酒入口順滑..酒精濃度好鬼高..但係配落刺身咪吓咪吓咁又幾過癮喎(W豬就無福消受..大肚媽媽冇得飲😬)大家如果過嚟幫襯..試吓同師傅溝通多啲😳佢會忍唔住請你飲請你食😆。。翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）。。
continue reading
#MC帶你去北角.應該係同區最高質嘅廚師發辦（Omakase），環境舒適且較清靜，慶祝生日週年紀念約會之選。➖➖➖➖➖➖➖➖➖➖➖➖➖➖➖✨ 鮨宏.「鮨宏」採用傳統和風簡約設計，柔和色調配以半開放式的座位設計，充滿日本風味。而且，座位只有10個，環境舒適且較清靜，可以欣賞師傅料理手法，又可與師傅互動暢聊，氛圍感極佳。➖➖➖➖➖➖➖➖➖➖➖➖➖➖➖🥢 宏‧廚師發辦｜$1,800/人.以時令食材炮製盛宴，當中晚市「宏」廚師發辦最為豐富，有23道菜色，包含前菜、刺身、壽司、熱食、玉子燒、湯和甜品！亦因為當月時令食材會有所不同，因此沒有指定食物。➖➖➖➖➖➖➖➖➖➖➖➖➖➖➖🥢 平政魚刺身.平政魚肉質鮮甜爽彈，口感清甜帶油香，但油份唔會過膩，鮮味、酸度和甜度都十分平均。➖➖➖➖➖➖➖➖➖➖➖➖➖➖➖🥢 華漣生蠔 ✨新鮮當造✨.蠔味清新，海水味偏淡，肉質結實而且肥美，食落爽口清甜。➖➖➖➖➖➖➖➖➖➖➖➖➖➖➖🥢 松葉蟹肉 ✨新鮮當造✨.蒸熟拆肉後，連同蟹殼一起完整送上。一絲絲蟹肉與蟹膏煮成嘅汁撈勻一齊食，啖啖蟹肉，味道清甜，好幸福！➖➖➖➖➖➖➖➖➖➖➖➖➖➖➖🥢 北海道象拔蚌刺身 ✨新鮮當造✨.象拔蚌厚度十足，口感滑溜爽脆，非常新鮮！➖➖➖➖➖➖➖➖➖➖➖➖➖➖➖🥢 櫻煮八爪魚 ✨招牌菜色✨.櫻煮八爪魚烹調耗時最長，需要以慢煮嘅方式烹製，最能食得出師傅嘅專業及功夫。八爪魚先經按摩一個鐘，再配以清酒、茶葉、蔬菜慢煮三個鐘。口感軟腍煙韌，又不失咬口，味道清香，絕對係誠意之作。➖➖➖➖➖➖➖➖➖➖➖➖➖➖➖🥢 即燒鰻魚.師傅用上多重工序處理鰻魚，食落無腥味、無泥味，口感十分酥脆，咬落柔嫩嘅去骨魚肉，不得之了！➖➖➖➖➖➖➖➖➖➖➖➖➖➖➖🥢 鯛魚白子.有別於坊間一般煮法，師傅特意以天婦羅形式烹調白子。意料之外，好特別嘅口味，外層酥脆香口，內裡白子口感綿密柔滑，非常creamy，撒上海苔粉，簡單調味已經好惹味。➖➖➖➖➖➖➖➖➖➖➖➖➖➖➖🥢 鮟鱇魚肝 ✨招牌菜色✨.以古法蒸製方式而成，口感軟腍豐腴，油脂柔嫩香醇，再配以用小麥而成嘅麵豉，非常契合。➖➖➖➖➖➖➖➖➖➖➖➖➖➖➖🥢 磯煮鮑魚.鮑魚經過慢火炆煮，肉質柔嫩口感鮮甜，配以鮑魚干醬撈勻醋飯，飯粒吸收鮑魚嘅精華，整體味道香味濃郁，滋味非常出眾。➖➖➖➖➖➖➖➖➖➖➖➖➖➖➖🥢 茶碗蒸.茶碗蒸口感細嫩滑溜，而且有多款海鮮配料，包括有海膽、三文魚籽和帶子，表面平平無奇，內裡用料十足。➖➖➖➖➖➖➖➖➖➖➖➖➖➖➖🥢 壽司.師傅即席準備八款精選時令壽司，包括有左口魚、活赤貝、深海池魚、牡丹蝦、活帶子、吞拿魚赤身、中拖羅以及大拖羅，全部都好新鮮肥美！.1️⃣ 左口魚︰魚肉結實肥美，鮮味甘香2️⃣ 活赤貝︰鮮甜爽脆，鮮味十足。3️⃣ 深海池魚︰清爽口感帶微微油脂香4️⃣ 活帶子︰𠝹花帶子，味道鮮甜5️⃣ 牡丹蝦︰配上濃味蝦膏，肥美鮮甜6️⃣ 赤身豉油漬︰肉質油潤軟滑，魚味濃郁甘香7️⃣ 中拖羅︰赤身同中拖羅之間嘅魚肉,油脂均衡8️⃣ 大拖羅︰魚油感好濃厚，肥而不膩.➖➖➖➖➖➖➖➖➖➖➖➖➖➖➖🥢 海膽熱狗.超級慷慨嘅海膽份量！馬糞海膽味道鮮甜，口感細膩軟滑，入口即溶好Creamy，超級滿足。➖➖➖➖➖➖➖➖➖➖➖➖➖➖➖🥢 玉子燒.玉子燒口感鬆軟柔嫩，蛋香濃厚，滋味滿分。 ➖➖➖➖➖➖➖➖➖➖➖➖➖➖➖🥢 海帶魚湯.海帶魚湯代替了熟悉嘅麵豉湯，而且魚湯內配有稻庭烏冬，非常有心。➖➖➖➖➖➖➖➖➖➖➖➖➖➖➖🥢 精緻甜品.最後，一次過送上三款甜品（蜜瓜、芝士蛋糕、香橙果凍）作為總結，甜而不膩，十分滿足。三款甜品中，香橙果凍最為特別，口感彈牙嘅橙肉果凍，香甜帶有淡淡果酸，清甜又開胃，去油解膩！➖➖➖➖➖➖➖➖➖➖➖➖➖➖➖🥢 水果酒.除咗一般燒酒、清酒外，師傅亦有自家釀製果酒，口味有八香果、菠蘿、士多啤梨及梅酒。➖➖➖➖➖➖➖➖➖➖➖➖➖➖➖🥢 餐前小菜.餐前會附上三款日式地道小菜，清新又開胃。➖➖➖➖➖➖➖➖➖➖➖➖➖➖➖
continue reading
Omakase真係食過好多次相信呢間一定係最有誠意，最有heart小店坐位大約十個全部都係吧枱可以近距離欣賞師傅為我地準備食物首先師傅會問下你有無咩唔食從而再精選菜單揀你喜歡而當造既食材師傅好有心思，用不同嘅烹調方法，將食材鮮味帶出，製造驚喜，不單調枱面有師傅自己釀嘅水果酒非常好味，釀酒既心思同做法一d都唔簡單師傅對水果同食材一樣好有要求北海道象拔蚌刺身非常鮮甜爽脆鰆魚，薑，青瓜圈物沒有飯，只有鮮甜味，口感豐富蠔 🦪先蒸至5成熟 加麵豉再烤好好味，第一次食呢個做法爽身清甜，配上香濃麵豉味螢光魷魚當造季節隻隻漲卜卜 烤又真係第一次食好香魷魚鮮味更突出呢個做法事前功夫比較多要將軟骨眼同嘴先拆走如果唔係會有渣用咗唔同蔬菜做既芝麻灑上面松葉蟹我最愛蒸熟拆肉再淋上蟹膏煮嘅汁啖啖蟹肉八爪魚係招牌菜按摩一個鐘，慢煮3個鐘非常軟糯，好香既八爪魚味磯燒鮑魚水雲配紫蘇食完飲埋湯清一清味蕾三文魚子蒸蛋跟住就食壽司啦平政魚赤貝 爽身清甜 加酸柑鮮味提升深海池魚甜而不膩北海道帶子 切成花形配埋鹽及酸柑，減少油膩感 牡丹蝦 燒熟既蝦膏，極香濃都係我最愛拖羅配櫻花鹽成個畫面出哂黎食omakase都咗浪漫呢個師傅幾有心思 海膽唔需要調味已經好甜玉子燒汁煮馬友西瓜果凍同芝士蛋糕整個甜品都係師傅親手製作真係大開眼界，師傅用咗京都做懷石料理嘅技術去做呢一個水果原汁果凍好特別又好味
continue reading
最近工作忙,成日都想食好嘢慰勞下自己~今日去咗北角一間好有溫度嘅omakase🔪~除咗食咗好多師傅精選嘅靚海產,仲了解咗佢哋背後嘅巧思💭~頭盤係華漣生蠔🦪,係時令最靚嘅蠔~比較爽身,海水味唔重比較甜,配少少酸汁已經好好食😋😋~然後有kanpachi,雖然係白身魚,但食落口都係好肥美~不過食落又有少少柑橘味咁🍊,好清新~然後又食咗虎河豚白子🐡,真係我第一次食白子!樣子睇落好似燒棉花糖咁🍡,食落口亦非常軟綿綿~佢嘅皮帶有特別嘅香味,加埋少少鹽燒就已經好好食🧂~另外,仲有金鯛松立燒🔥,肉質嫩滑~但個皮燒到好脆,啲魚鱗仲一塊塊咁立起,所有咁特別嘅形態🤩~而另一樣好特別嘅食材就係鮟鱇魚肝🐟~嚟到季節尾嘅時候,因為比較多膏,就呈現帶橙色嘅形態🧡~佢嘅口感有如雪糕咁軟滑🍦,但又好香濃~因為食太多會滯,所以小小一片,享受佢嘅豐腴口感已經好足夠💯~壽司部份有深海大池魚,赤貝,梭子魚等🍣~佢嘅火炙金目鯛有火炙嘅焦香,肉質比較爽🐠~師傅亦安排咗赤身豉油漬,估唔到咁軟滑,入口即溶~而用豉油漬仲令佢可以保持鮮紅色澤,唔怕氧化👍~跟住係赤身同中拖羅之間嘅肉,唔係太重油份~但嫩滑程度實在係用舌尖一壓即化👅!最後係好靚嘅黃膽同埋更高級嘅食昆布大嘅海膽~向來覺得海膽腥嘅我,第一次感受到海膽原來係咁甜美😍😍😍!呢個omakase食到嘅品項實在太多~而師傅嘅介紹令我對日本海產有更多認知🥰~佢仲會自家製啲水果酒,尋晚就俾我哋試咗百香果同柑桔酒🥃~仲不藏私咁話我哋知點整~我就比較喜歡甜嘅百香果酒🍋,亦係師傅新研發嘅~同埋呢間店實在好有溫度🌡~因為一般omakase都係廚師決定食咩,最多避開你唔食嘅~但呢度嘅師傅係會因應你喜歡食咩,而推介俾你食😋~呢晚座上有位熟客,師傅就會為佢特別安排佢喜歡嘅❤️~但就算唔係熟客,只要訂位時話俾師傅知📲~你鍾意食肥美嘅定係瘦身嘅,師傅都會精心為你安排~咁好嘅嘢食,又學到咁多嘢,攪到我好想快啲再嚟食過😋~
continue reading
🇭🇰鮨宏·宏$1,800我地近排返工超忙 所以好耐冇出post啦🙈🙈呢間係前排同朋友仔食既 我自己覺得佢啲料理真係幾好味 魚生都新鮮🤤🤤·先付 l お造り l 一品料理 l 茶碗蒸し首先第一個小食係一個公魚甘露煮 佢係炸咗嘅小魚仔咁 好香 好惹味🐟之後個北海道鰤魚刺身都好肥美😎個香霜蟹都好多蟹肉蟹膏🦀之後佢個長崎生蠔都好新鮮 配埋個酸汁啫喱幾好味🦪之後個櫻煮八爪魚我自己好鍾意 佢係好淋 好軟熟 超正🐙😍之後個鮟鱇魚乾都超級好食 佢係用左清酒黎煮 肥美得黎唔會話太漏 配埋佢上面嗰個小麥嘅味噌超級好食🍶🤤🤤最後個磯煮鮑魚都唔錯 佢個鮑魚本身好腍滑 配埋個鮑魚干醬唔錯😌😌之後佢個茶碗蒸入邊係超多料 面頭嘅海膽都好好食😋·壽司之後佢所有壽司都幾新鮮1️⃣佢個間白魚好爽口2️⃣活赤貝質感都好好3️⃣之後既深海大池魚都肥美既4️⃣平政魚都幾甜5️⃣反而個活帶子無我想像中咁甜6️⃣不過之後個赤身幾好食7️⃣個大拖配埋啲淡雪鹽超級肥美8️⃣之後就係我最鍾意嘅北海道海膽 佢啲海膽比嘅份量超級慷慨 而且好甜 超級好食 如果有得食兩粒就好😈🤤🤤·吸い物 l デザート最後佢就有個魚湯俾你清清個口🐟之後有個好似雞蛋布甸嘅玉子燒 甜甜地咁 幾好食🍮最後仲有個佢地自家製嘅甜品拼盤 佢個蘋果芝士蛋糕入邊係真係有蘋果粒 幾得意🍎之後個橙啫喱都唔錯🍊最後個宇治抹茶mousse都幾好食 抹茶味好濃 而且下邊個奶凍質感好好 我地食到超級飽🍵·#rbyeat#rby日本菜 #rbyomakase #rbycelebrations#rby北角 #rby炮台山·📍北角渣華道8號威邦商業中心地下13號舖
continue reading
You may be interested in