長阪燒 (旺角)

在旺角的鬧市中, 搵到一間不錯的日本餐廳著實不易
早前就看到這家餐廳, 看到朋友吃過評價不錯,趁今晚收工就獨自開心一下




甫進入餐廳, 就覺我整體環境十分不錯
裝潢帶有濃濃的日本風格, 而且坐位間都十分寬敞,完全沒有局促感
不過既然這裡有格調的餐廳, 價錢想必會很貴吧? 看看餐牌, 發現價位其實又不算很貴.


我剛巧被安排坐在吧枱上, 可以近距離觀看師傅製作食物,邊吃邊看師傅表演, 就連視覺都好享受.
餐廳推介有新推出的商務套餐, 價錢也是$468就有六道菜,十分抵. 所以就決定選商務套餐.




前菜是龍蝦沙律, 上來時大廚已經把龍蝦鉗起肉,食的時候啖啖肉. 而吃海鮮永遠的定律都是, 只要食材新鮮, 就不用花太複雜的配料調味,味道巳經相當突出. 只是簡單的食材, 新鮮沙律菜拌上油醋已經十分不錯.

刺身有吞拿魚腩、三文魚、牡丹蝦和帶子每款都各有一片, 刺身入口質地有彈性, 油脂度不高, 吃起來十分清爽, 當中的甜蝦更是肉質肥厚, 鮮甜不巳, 而吞拿魚腩就略為遜色,因為有筋.
湯水是絕對不能缺少, 亦是最能看到餐廳的誠意的一環, 海鮮清湯上來只有半碗左右的份量,但材料就十分足夠. 看看湯頭不濁,而海鮮湯喝起來非常清甜鮮美, 油份沒多半點, 十分順喉




因為豚角煮是燜得很稔很入味,所以是帶點偏肥, 但仍可接受. 咬下去肥脂部份口感軟稔, 肥脂甘香豐腴在口內融化, 底層的肉亦做得非常軟綿,整體來說這個豚角煮夠香夠軟綿




燒物
鹿兒島和牛: 燒出來的和牛外層焦香, 但中央仍是露出血紅色澤, 肉質非常柔軟, 肥脂不太多, 但吃起來肉味濃郁, 當中的肉汁也甚為鮮味
燒牛舌：有咬口但不韌，燒得剛好不老
雞肉大蔥串: 雞肉加上大蔥蔥段，肉質嫩滑帶著大蔥的清香，味道甜甜的醒胃惹味
野菜稻庭烏冬
上來一碗份量不多, 當中就只有昆布和野菜作伴. 烏冬入口很彈牙, 煮得時間剛剛好,好有咬口,醬油湯底也不算太咸.

最後還有味蜜瓜跟雪葩作結尾,蜜瓜那份香甜加上雪葩的酸味, 這樣的配搭最清新.

整頓飯的食材本身巳經很出色, 雖然當中仍是有點瑕疵, 但感覺如可改善的話問題不會很大, 而且以這個價位的話,有如此水準巳是相當難得

鹿角巷 (尖沙咀)

我覺得自己真係顛咗⋯
竟然可以浪費1個鐘時間排隊買一杯抹茶珍珠🤦🏻‍♀️（排排下又唔甘心走人😤）

羊群心態，諗住咁多人排隊買，之前又見到好多報導或推介話好正好飲，所以趁住等朋友中間個空檔，自己又～





憑良心講 黑糖珍珠確實吸引，第一啖飲落去，底層黑糖醬濃郁，珍珠好Q彈，味道真心正，個下暗自爽緊無中伏。而且黑糖正正你我最愛，所以覺得都有90分！

不過呢，溝勻抹茶後，整個味道落差一萬倍，好普通呀～

首先茶味唔夠，抹茶味淡得過分，珍珠溝均後又失去黑糖味，整體失去吸引力，最後完全扣分，我覺得只可以用合格去形容，所以真係試一杯就夠🙄 無下次囉！

初見 (荃灣)

每次同朋友提議係荃灣食飯, 佢地往往只會想到路德圍、citywalk、大河道
但其實海霸街個頭都有好幾間唔錯的餐廳, 只係平時大家少去.



是晚就來到海霸街食飯, 見到一間餐廳格局好熟悉,明明就記得之前係喥食過西餐
細問之下原來是剛易手, 開張三個多月的日式餐廳.名 初見創作料理



店內環境基本上跟以前沒有變, 只是景物依舊,人事全非
不過我喜歡餐廳簡潔又帶有原林風格, 實木色餐椅, 感覺令人舒服


每張枱之間的距離比較寬, 所以沒有太大的壓迫感.
說真的, 餐牌內的選擇不多,但晚市套餐不算貴, 而且很大眾化
跟餐只需要加$20, 就可以有小食、餐湯、飲品,可算是十分抵



我跟朋友各自點了食物,不過我就加$20轉做套餐
是晚餐湯是牛肉蕃茄湯, 或可以選麵豉湯
廚師將蕃茄打磨, 再混入自家熬制的牛肉湯
整個湯口感十分稠密, 啖啖都是蕃茄蓉,味道不會太鹹
前菜有沙律或刺身選擇, 當然刺身比較適合我呀.
小碟四片刺身, 味道新鮮, 而且擺碟也絕不馬虎
飲品竟然可以點日本波子氣水, 平時在其他餐廳點波子氣水動輒都收取廿幾蚊
呢間跟餐就可以免費點, 可算是好抵, 加$20真的抵



我的主菜到啦, 就是石燒香草吉列牛肋肉,溏心蛋, 配飯 HK$98
份量一點都唔少,對我來說十分足夠
一份牛肋肉 大概切到8-9片,而且有雪花紋理, 未食賣相已經十分吸引.
先將牛脂肪於熱石上打圈擦出油份
之後可以開始燒烤牛肉, 當放肉一的刻聽到”滋滋”聲,又聞到香烤牛肉味道,
可說是聽覺、嗅覺的享受
石板燒的好處就是可以自己控制喜愛的生熟程度
我個人喜歡半生熟, 肉質不致於過韌,口感柔軟之餘仍保留有肉汁



附有幼鹽及麵豉醬兩款醬料
點幼鹽就可以食到牛肉的原味, 感覺清新
點麵豉醬卻是另一番風味, 味道較重, 會容易掩蓋肉味
朋友點的大蝦什錦海鮮配龍蝦湯什菜鍋, 配飯 HK$78
份量同樣很多, 而且款式十分豐盛
聽店員說龍蝦湯頭是用真材實料的龍蝦熬制
絕不是現成的龍蝦湯粉開出的, 所以每日都堅持落場時間用心預備新鮮食材
的而且確龍蝦湯十分味濃, 味道十分鮮甜



海鮮材料也絕不馬虎, 有四款, 包括海蝦、三文魚、魷魚和青口
將所有材料都放入鍋內煮, 當堂令湯底味道更鮮


餐廳食物令我有驚喜, 無預料到以這個合理的價錢可以有如此品質,著實不錯.
而店員服務及反應都十分快, 這是抵讚的一點.

神輿日本料理 (旺角)

難得係閒日可以忙內偷閒, 唔需要湊小朋友. 當然要同老公去食好西.
因為要方便大家放工可以即時去, 所以揀左旺角區的神輿日本料理
刺身有好多款，三文魚、希靈魚、赤貝、甜蝦......等，新鮮肥美，爽口鮮甜
三文魚厚度剛好，溫度依然保持住凍凍的
甜蝦大大隻，同樣地鮮味無比，當中的確帶有甜味
北寄貝是媽媽我的最愛，因為口感十分爽口呢!
壽司、卷物方面, 款式不算是創新配搭, 但穩陣款式亦做得非常出色~
火灸三文魚壽司、火灸左口魚壽司
火灸令迫出魚油, 令口腔充滿魚油香, 而且每件壽司飯都是細細件, 吃多幾件都唔會咁快飽
最驚喜係有海膽壽司任食, 海膽口感CREAMY, 又唔腥, 食多兩件直頭已經回本

另外焗虎蝦都係我推介必食之一, 雖然食完有點膩, 但味道真係正, 特別個沙律醬汁, 要俾個LIKE.
芝麻雞翼 - 雞翼醃得入味外皮烤得香脆， 熱辣辣仲有芝麻喺面, keep到有肉汁, 唔會太乾身
鹽燒海蝦，海蝦彈牙，灑上少許鹽巴，十分惹味
牛肉串，味道比得上響泰國餐廳食既串燒，醃得夠入味又好腍！
最後食番啲甜品，叫左綠茶雪糕受和菓子, 份量細細的, 勝在唔夠喉可以再order.



枱上的紙有教學摺紙鶴, 可以重拾兒時樂趣.

i CREMERiA Café (旺角)

女生High tea, 當然就選美味又美觀的甜品.
而相機食先都係常識吧,所以i CREMERiA就係我地首選.
今次我就係為著人氣Tea set而來, Tea
set內的甜品係全日供應, 當中呢款HK$188 (WITH 2 DRINKS)的set餐最多人選擇.
有齊雪糕、三文治、甜品同2杯飲品, 份量剛剛好.濃郁的抹茶雪糕,甜度適中,加配紅豆, 白玉是常識吧
白玉口感好煙韌, 紅豆不會太過甜
另外日本直送水果、抹茶cheese cake、三文治都很不錯.
女生High tea口水多過茶, 呢個set餐有2杯自選飲品就最適合我.
朋友點左個HK$108的輕食餐主要有雪糕、蛋卷同飲品
雙色雪糕有抹茶跟牛奶味,牛奶味相對比較突出,對於綠茶控的我來說, 不夠喉.
雪糕質感軟滑, 口感極之滑溜, 比較易溶, 所以TEA SET一到就要盡快食啦.
同場加映最細女生一齊TEA TIME.