檸檬冰室 (觀塘)

早幾日係馬會附近見到呢間新鋪，望入去見人地食的炸脾沙律幾吸引，一於今日試下午茶啦!

今日唔知係咪多人放早，都好多人食。好在入去唔洗等位。一早諗左食炸脾薯角沙律配熱柚子蜜。另一份點左瑞士汁雞翼沙律薯角配熱杏霜。





先講瑞士雞翼瘦瘦地，有d營養不良感覺。肉眼望無乜雞毛，雞翼入口算熱的，但係肉質比較鞋口唔算入味，汁亦唔算鹹的。沙律好大份 ，有薯仔，紅蘿蔔， 菠蘿。最大問題個沙律汁，唔可以稱為醬，稀溜溜咁。又無酸味，真係無乜意慾想食。杯柚子蜜無乜柚子味，聞有香味 ，飲係無味的，真奇怪!



炸脾係完全無醃過，d雞肉無乜肉汁，要靠枱的鹽加胡椒粉自己加工先擺得入口，薯角應該炸完又炸貨式超乾加苦仲要超多油份，真心難食。妳在有個茄汁點下先叫放到入口（唔知係咪d油唔好，食完好喉嚨好乾涸）還是叫沙律比較好。飲品杏霜味唔算好濃叫做ok ，如果係螞蟻人自行加糖吧！

環境都ok， 有d位比較迫，真係睇下你坐邊一邊。

服務有d就比輆粗暴同惡惡地，有d又幾有禮貌，疑似老闆的人就最好禮貌又多謝又會講88的。

總括黎講今餐係唔滿意的，真係睇樣係好靚好得， 食落係非常唔得。出品真係衰過連鎖快餐店。真係短期內都唔會再幫襯。

西佑定食屋 (藍田)

因入左會有張Coupon,先黎食午餐。點知失望而回。一早已揀左三色刺身壽司飯$75。。。

餐包沙律，麵豉湯，汽水同雪糕。先講沙律都OK，有菜有罐頭粟米咁啦！麵豉湯無乜味勝在夠熱。三色壽司飯的飯太過酸，下得太多醋了。刺身中的蝦同帶子完全無味的 。。只有三文魚比較有味道。呢到汽水有冰無冰都係無氣的。成個餐最好味係綠茶雪糕。雪糕奶味較重如果多些綠茶味道更好.

總結：今次用左Coupon係唔洗$75的，如果要正價食，咁的價錢出去食會有更好的選擇。

PS唔知係咪無人洗碗咪怕洗碗姐姐辛苦，呢到無輪今次食飯一樣無匙供應，要搵待應拎先有匙用。










綠茶雪糕

伊佐茶序 (旺角)

妹妹好喜歡大大與小妹，成日嚷著要去換個公仔。唉，怕左佢換就換了。

當日下午就去左換，應該話去飲野加換杯緣子。當日覺點幾去到，排隊人數係0，不用排隊就可以買了。分別買了蔓越莓奶醋和茉香奶茶，我係加了3元要鮮奶沖，貴左3元的。

想加珍珠係無的，俾錢佢賺佢都唔賺，ok.3點幾咁早竟然可以無珍珠，真係去過咁多間台式飲品店未試過。

我杯茉香奶茶，茶味欠奉，苿香味無，鮮奶味也不覺有（枉我加3元），妹妹幫我叫左小甜，我當時只覺得飲緊一杯小小甜有色的水。收23元真係唔值

妹妹的蔓越莓比較好飲，正常味道，只係略嫌酸左小小的，都好飲過我果杯N咁多倍。

總結：如果唔係杯緣子真係唔會去飲。23元唔係貴。不過，質素唔值。奉勸店子一句，街上的台式飲品多的是，如果唔做好最基本的飲品味道，只靠換人氣物品來爭取生意，最終只會失敗收場





左：茉香奶茶，右：蔓越莓奶醋

富田和食亭 (藍田)

平日有去開呢到食下午茶.今次就試下午餐,結果大失所望...這裏的午餐選擇都唔算小.由於想食日本野,所以就不作它想了...

望完餐牌最後決定花之戀壽司便檔系列$65:套餐包麵鼓湯,小食,飲品及甜品.

麵鼓湯:夠熱可惜過鹹了前菜:麻醬冷烏冬:青瓜絲清爽,烏冬夠凍,可惜質地唔好,又唔夠滑.麻醬也偏小

飲品:橙汁,

似溝粉味道唔太天然

壽司便檔:蠟魚,八爪魚,玻璃蝦,北寄貝,2件花之戀....各樣刺身唔太新鮮,望落去都偏乾.唔夠油潤.最好味算係花之戀..飯唔夠酸,也太散,仲有偏細...

三色小卷:無乜特別,普普通通甜品:雪米糍,唔夠凍.好快溶最後:雖然價錢唔貴,也免加一,但味道真的好一般.下次還是食下午茶就算了...

綠仙子台式餐廳 (深水埗)

有事要到深水埗,又到下午茶時段,肚子餓了,之前食過呢間都覺得OK.那今次再食....下午茶選擇頗多,價格也唔算昂貴...看了餐牌後最終決定了要混醬吐司$17.滷水雞脾加薄荷珍珠奶茶$30坐了一陣子,吐司上場.望著那份吐司,心知不妙...那份吐司是好像平日在家吃的麵包加花生醬牛奶...問題係入面的醬勁乾.真係乾到好難食....為了唔浪費食物,真係唯有夾硬食左佢..我覺得店方還是把醬放在麵包上比較好,唔會乾得咁離譜..滷水雞脾加薄荷珍珠奶茶...雞脾整得太熟,唔洗用太大力都可以切開了,滷水汁唔夠入味.又細隻,望落去都覺得營養不良..食完真係唔夠飽.加了錢的薄荷珍珠奶茶,與其話茶,倒畢如說是水,淡而無味,小小味道也沒有,珍珠也沒有味道之餘也過淋.又是不合格之作.

經過今次恐怖經歷之後,以後也唔會再去了...

服務:店員成日在附近,未諗到食乜又企在隔離,真係好有壓迫感..

環境:比較殘舊,尚幸清潔程度尚可...