gigiwong621 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-04-22
每個星期日都會選擇一間銅鑼灣的日本餐廳食個晏~今次openrice見到呢間全好評新衰廳,又見佢評價好高,即刻決定黎試下。可惜伏到一個點⋯⋯ 其實裝修同服務都好好~可惜食物質素份量都係同區偏低好多。首先係A5佐賀和牛,我都明白A5係畀隻牛唔係畀件肉,但係食到成口筋可以話係第一次 令人最失望可以話係個魚生飯⋯薄薄的幾片魚生,淡而無鮮味,三文魚子同蝦都屬於一般平價剌身貨色,佐賀直送?難以置信。 可能老闆真係要用心research 一下,附近餐廳offer緊咩質素同選擇。我真心寧願你收貴d...畀番d似樣d嘅野客人食⋯ 這樣高不成低不就的質素,難以在呢區充滿日本餐廳的地方生存。對我黎講,食評總比食物好,無下次~ 評分: 味道 1 環境 5 服務 5 衛生 5 抵食 3
2018-01-06
見到門口寫自己係第一拉麵,即管試下⋯ 好失望的中伏精選。完全感覺係food court X千質素。真心唔明白何解可以自稱為九州第一。真係有一種被騙的感覺。 一碗拉麵,我覺得最重要的係湯底,同埋拉麵掛唔掛湯。可惜兩樣都做得極之差。湯底淡而無味,拉麵完全唔掛湯⋯义燒除左肥,亦真係食唔到任何個人之處我真心唔知自己食緊咩⋯ 薯餅是ok的。其中一個有chestnut的甜甜地,算係一個唔錯選擇。但係如果一間拉麵店自己主打的拉麵都做唔好,其他小食ok又如何⋯ 無下次,真心 評分: 味道 1 環境 5 服務 5 衛生 3 抵食 1
2017-08-08
海鮮干鍋用料算新鮮⋯⋯但竟然除左呢個新鮮之外,再無可取之處⋯ 食呢餐飯,真係不禁令我懷疑個廚有無味覺,定係無試味呢⋯⋯食物調味方面真係嚇死人⋯一個孜然羊肉⋯⋯甜過糖水,難食到一個點係要即刻吐番出黎,成碟無食過⋯⋯之後再食唔落野⋯⋯堅令人反胃⋯⋯ 炒萵筍絲⋯⋯咸到送飯都食唔到,仲會成口都係油⋯⋯你唔係同我開玩笑卦⋯⋯又係成碟留番係度⋯⋯ 呢個價錢,咁嘅質素⋯真係大把好選擇⋯⋯ 建議大家都係唔好信某food blogger, 佢真係介紹親都伏黎架⋯以後唔會信佢⋯⋯ 檯面扮哂大集團叫你寫意見⋯⋯閣下都係唔使浪費時間畀意見佢地啦⋯佢扮大集團,但學唔到大集團咁去跟進下d食物,只係已讀不回架咋。
評分: 味道 1 環境 3 服務 1 衛生 3 抵食 1
2017-05-06
真係好鍾意食churros...之前紅磡有一間做得唔錯,可惜不敵貴租做唔住⋯⋯ 終於係The One 發現呢間主打Churros的餐廳 Churros雖未算正宗,但加左好多fushion elements令到效果出人意表地新鮮。 自己本人較鍾意原味玉桂churros. 加一杯salted caramel ice cream. 正 飲品質素亦好高。banana smoothie唔太甜,清淡得黎帶淡淡香蕉香味,好refreshing. 真心希望做得住~ 評分: 味道 5 環境 5 服務 5 衛生 5 抵食 5
2014-08-14
這間日式燒肉傳說中要早成個月訂座,朋友生日選上址慶祝小聚,亦提前一個月訂座。 食物: 食物質素極高,和牛跟在日本當地食分別不大,和牛入口即溶,充滿油香,油香在咀裏久之不散,令人難忘。 和牛以外其中三樣食物同樣令人難忘: 燒牛舌:亦都係入口即溶,分別在牛舌比和牛更重油香同牛味濃郁。簡直只許天上有。 生牛肉:醬汁加了柚子醋和味淋,同時加了梨子絲同青瓜絲中和生牛肉的油膩感,聰明的廚師同時亦加了生雞蛋在生牛肉當中,增加了滑度。入口鮮/爽/滑集於—身,口感豐富。 海鮮雜炊:也就是我們中國人的泡飯。湯底一般用昆布湯加海解煮成。在香港,很小地方做得好。但他們的雜炊,湯頭鮮甜,比我們的泡飯較杰身一點,粥稀身一點。朋友們即時encore呢個雜炊,大家都讚口不絕。 食物有令我彷如置身日本一樣。 可惜服務就差太遠。讚同之前食評,店員服務態度一般,而且他們是會將客人的鞋踢到四圍都係。 另外,14個人安排坐到中間的10人位置位置,不適程度可想而知。 在這個價位而言,我相信會有更好的選擇。 推介美食: 和牛牛舌,厚切牛舌,特上肉併盤,生牛肉,雜炊,和牛牛舌/Cheese Mochi
評分: 味道 5 環境 2 服務 2 衛生 5 抵食 3
|