gigiwong621 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-01-23
可惜十日後再試,令人好失望.. 首先,set dinner 跟十天前無分別, 我選擇了一樣的食物, 味道竟同上星期食的完全不同 1) 前菜 : 賣相是不錯,但帶子有沙, 完全無鮮味... 2) 海鮮塁魚意粉: 同一味上次食過的意粉竟完全唔同味, 超SALTY...有兩片介腸仲over-cook 到個底黑色的, 反轉照給客人食.. 唔係卦 3) 朋友叫個魚直頭係無味的...佢話食完都唔知食左咩 4) soup of the day南瓜湯: 全晚最差...其實知唔知好多人唔食南瓜架? 我朋友望住就飲唔落. 我本身都南瓜無咩問題,但個湯....唔creamy, 唔夠味, 得個甜字...唔合格呀! 5) cream brulee, 上一次食唔錯架,但今次....上面件杏仁脆餅 "林" 哂....發生咩事呀.. 300蚊一位係唔貴,但以這種茶餐廳式食物質素黎講可以有好多更好選擇 推介美食: NOTHING
評分: 味道 2 環境 3 服務 5 衛生 5 抵食 3
2013-01-15
天氣寒冬, 一碗熱騰騰的拉面是一個很不錯的充飢食物, 所以近一個月回到香港幾間出名的拉面店再品嚐拉面, 最難忘的還是拉面來.. 久別了好幾個月再回到拉面來, 不得不讚拉面來真係近期唯一一間在不斷進步的拉面店. 服務方面, 侍應同老闆都十分好客有禮,個個面露笑容, 老闆會很熱心的介紹他們的招牌拉面,今時今日這樣的服務態度,的確小見了....不似一風堂,一風堂雖食物質數沒有大變, 但服務已跟從前差得遠了.. 食物方面,拉面來的湯底不斷進步中,湯底豬骨味極濃, 但又不會過咸,湯底如鮮奶般很細滑, 自加制高菜亦做得很出色. 當然不得不提他們的味附蛋..是在香港或日本暫未嚐過這麼好的味附玉子. 不似現在的豚王, 豚王的湯已漸漸退步中...分店和總店味道/濃度不一,但一味只有咸味. 拉面來真在不斷進步, 今天已勝豚王很多了.... 加油了拉面來!
評分: 味道 5 環境 5 服務 5 衛生 5 抵食 5
2012-08-29
知道他們搬到新址即時想去試試 一去到低,點解咁熱?一行三人都一致認為真的很熱,望一望其他人,有不小人用餐牌當扇中。 問一問服務員冷氣係咪壞左,佢地話無壞,已經開到最大無法啦,硬住頭皮叫野食。 問個女侍應,今日海膽得唔得呀……她說,“下,我唔知喎,我唔識分靚唔靚喎。“ 雖質唔係咩高尚食府,但其實180+一個海膽飯,店員不需要服務好好,但最小了解下自己餐廳賣的食物會較好囉。 食物方面,依然唔錯。 大toro加魚蓉飯:toro 入口即溶,油脂豐富 海膽toro蓉飯:海膽算非常鮮甜,但賣相欠佳,溶到有點水水的 燒鯖魚飯:唔錯,但竟然唔記得上汁……又是服務經驗不足的問題 食物縱然不錯,但食完三位朋友都全身濕透,因為真係好熱好焗呀。 問題係當日已經不算太熱,這方面有待改善呀
評分: 味道 5 環境 2 服務 3 衛生 4 抵食 3
2012-04-04
己經係第二次黎泰發了,上次食過他們的咖喱蟹迷上了,又想去再食 點了以下食物 1)泰式生蝦:生蝦其實只要新鮮,味道都唔會差好遠,但係佢地同時會將蝦頭炸好伴碟,蝦頭炸得又香又鬆,味道更勝生蝦!一碟蝦有兩個口感兩個食法,正! 2)馬拉盞炒通菜:這個普普通通,有點太咸 3)咖哩蟹:主角黎啦,出面食的咖喱蟹,一般都好小用到游水新鮮蟹,佢地用的蟹一食就食得出係用超新鮮的游水蟹煮,味道鮮甜, 直係在香港食過最好食的,另送包畀客人伴住蟹黎食,咖喱香滑無比!好好食呀! 4)香竽海鮮煲仔飯:芋頭好粉,加上炒香了的海鮮同腰果,令成個飯都好香! 全店服務中上,坐得有點迫,但高質素食物令店8點己堆滿客人 推介美食: 咖喱蟹
評分: 味道 5 環境 3 服務 4 衛生 5 抵食 3
2012-04-01
一直都好鍾意食拉面,最近發現了這間新開業的,立即去試下佢有將多斤兩先 先說說其主角拉面先,選了他們的“金“--豬骨味試試,其湯頭十分濃滑,完全沒有其他面店的那種“很味精“的感覺,比一般拉面湯濃很多,有點像豚王的杰度,膠質極重,但香味更勝豚王,看得出個湯係真材實料花了很多時間心思煲出來的。再食一口他們的拉面,好感動呀!面質好幼滑,完全無拉面常見的“簡水味“,這方面做得比其他拉面店做得優勝!望清楚終明白拉面做得這麼完美的原因,拉面是他們即場打的,再加上日藉所父用在煮面時過水的做法,那股簡水味一掃而空,令面同時變得爽口!好有heart 值得一讚這樣水準的拉面,假以時日fans 一定會比豚王同一風堂仲要多!不得不提另加的味附半熟蛋,係咁多間做得最好的,生熟度恰到好處! 朋友點左個“土拉面“,原來係日式撈面黎架!朋友一直讚好食,偷左小小黎試,真係好唔錯,醬是隨自己口味自己調的,沒有下湯更顯他們的面爽滑美味! 服務好好,店員好親切同樂意介紹他們的食物 店中的裝修以舊日本裝飾切為主,看得出老闆花了很多心思搵這些飾物!努力了,未來的拉面王! 電話問題upload 唔到相,另外再upload 同大家分享
評分: 味道 5 環境 5 服務 5 衛生 5 抵食 5
|