ktk 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-05-15
行經突然走左入去,開頭真係有D驚,個場好大,但得4-5台客. 不過,冇所謂啦,我不入地獄誰入地獄呀! 叫左:金銀菜豬展煲豬肺湯,菠蘿咕嚕肉,金銀蒜茄子蒸鮮魷 金銀菜豬展煲豬肺湯:一打開個煲就飄出好重金銀菜味,好香!個湯煲得好夠味好濃,足有成10碗,兩個人飲真係飲湯都飽.可惜小小,湯渣見唔到豬肺,不過真係好好味. 菠蘿咕嚕肉:真係估唔到,HK$28有噉嘅質素同份量,菠蘿香甜夠味,酸酸甜甜好開胃,咕嚕肉唔會似出面得個炸粉,好有肉地又夠多,真係超級正. 金銀蒜茄子蒸鮮魷:份量又係唔細,茄子好淋又夠入味,金銀蒜好香夠野味,用來送飯真係一流.鮮魷爽滑份量又足,十分好味. 食完真係好飽,坐下飲杯茶,欣賞一下可以比美IFC嘅夜景,十分舒適. 侍應走近貼心地查問:食飽未,先生可以上糖水嗎?雖然好飽,真係都要作戰到底,來吧!紅豆沙,味道都OK,如果,果皮味再重D就真係太好啦! 飯後報告:物超所值,一定會再來.
評分: 味道 4 環境 4 服務 4 衛生 3 抵食 3
2014-10-28
之前食過都覺得唔錯,所以再去. 叫左:羅宋湯,烤焗豬柳意粉配西班牙野菌汁,忌廉汁白菌焗鮮三文魚粒配珍珠飯 羅宋湯:酸辣好味.麵包普通. 烤焗豬柳意粉配西班牙野菌汁:烤焗豬柳好淋又夠味有小小似食鹹豬手,意粉彈牙幾淋,西班牙野菌汁味道好香唔錯. 忌廉汁白菌焗鮮三文魚粒配珍珠飯:忌廉汁香滑好濃味,白菌味道可以,焗鮮三文魚粒好大粒又夠香口唔太乾,飯焗得剛剛好,值得encore. 整體:值得再來,好食又底食. 推介美食: 羅宋湯,烤焗豬柳意粉配西班牙野菌汁,忌廉汁白菌焗鮮三文魚粒配珍珠飯
評分: 味道 4 環境 3 服務 3 衛生 3 抵食 4
2014-10-22 (屬於相關食評)
今日忙到午餐都冇啖好食,所以提早去開餐. 叫左:熱情果橙香特飲,意大利風乾火腿沙律,雜菜湯,醬燒雞翼配香脆薯角,雞肉蘑菇意大利雲吞天使麵,泰式咖哩雞飯,夏威夷薄餅,咖啡味意式奶凍 熱情果橙香特飲:香橙味足幾好味,可惜有小小過甜. 意大利風乾火腿沙律:風乾火腿味太淡,沙律一般. 雜菜湯:份量太小,味道酸酸十分開胃. 醬燒雞翼配香脆薯角:辣醬野味帶小小酸,雞翼肉質滑.薯角香脆可口. 雞肉蘑菇意大利雲吞天使麵:雞肉嫩滑,蘑菇爽口,意大利雲吞普通,天使麵幾滑又爽口. 泰式咖哩雞飯:香辣好味,雞肉夠滑. 夏威夷薄餅:薄批好香脆,個汁唔會過酸,幾好味. 咖啡味意式奶凍:咖啡味太淡,一般,奶凍都算滑. 食完真係好滿足. 推介美食: 熱情果橙香特飲,雜菜湯,醬燒雞翼配香脆薯角,雞肉蘑菇意大利雲吞天使麵,泰式紅咖哩雞飯,夏威夷薄餅
評分: 味道 4 環境 3 服務 3 衛生 3 抵食 4
2014-10-22 (屬於相關食評)
之前試過都ok,所以再來幫襯. 叫左:蘑菇湯,醬燒辣味雞翼配脆薯角,烤美國有骨豬柳伴天使麵,流心蛋.芝麻包.雞肉腸.意式沙律煙肉配挪威煙三文魚,抺茶意式奶凍 蘑菇湯:幾creamy好香菇味又夠滑,片麵包好好味,好脆. 醬燒辣味雞翼配脆薯角:辣醬好野味帶有小小酸味,雞翼肉質滑.薯角好香好脆. 烤美國有骨豬柳伴天使麵:烤豬柳好大件肉質好滑,個汁好重黑醋味好開胃,天使麵爽口唔硬. 流心蛋.芝麻包.雞肉腸.意式沙律煙肉配挪威煙三文魚:流心蛋做得好juicy,芝麻包香脆味美,雞肉腸粗嚡味道普通.意式沙律普通冇咩特別,煙肉鹹香幾好味,煙三文魚味濃夠鹹香味. 抺茶意式奶凍:抺茶味太重太甜,一般. 整體:出品唔錯,可以再食. 推介美食: 蘑菇湯,醬燒辣味雞翼配脆薯角,烤美國有骨豬柳伴天使麵,流心蛋.芝麻包.雞肉腸.意式沙律煙肉配挪威煙三文魚
評分: 味道 4 環境 3 服務 3 衛生 3 抵食 4
2014-10-02 (屬於相關食評)
因信用卡換領免費晚餐. 包括有:香蒜肉絲意粉,蒜蓉包,意式雞皇飯,夏威夷風光鬆厚批,煙肉菠蘿芝士酥,汽水 香蒜肉絲意粉:香蒜味重特別野味,肉絲及火腿絲都好夠味,意粉煮得好滑唔乾身. 蒜蓉包:包好淋唔硬,蒜蓉味重好好味. 意式雞皇飯:白汁香滑夠cream,雞肉唔嚡幾夠味. 夏威夷風光鬆厚批:用料普通,批底比較油,菠蘿香甜好味. 煙肉菠蘿芝士酥:煙肉香口,菠蘿清甜,芝士味濃,酥皮香脆野味. 整體:唔錯,可以一食. 推介美食: 香蒜肉絲意粉,蒜蓉包,意式雞皇飯,煙肉菠蘿芝士酥
評分: 味道 3 環境 3 服務 2 衛生 2 抵食 3
|