正生樂滿堂 (長洲)

第一次到來,見到內裹幾特別就走入去.
店內地方唔大,有十幾個位,於是坐下睇睇,店舖都幾有特色,好有宗教色彩.好warm好舒服!
店舖以外賣自取為主,好多人叫外賣.
坐了一會,定決叫我嘅最愛雞翼.
蜜汁雞翼套餐$22:有4隻雞中翼連飲品,真是超底.一上奶茶,好香好滑,都幾有茶味,唔會似奶水.
蜜汁雞中翼,唔太大隻,下枱時好香,好重嘅蒜香味,外貌似燒雞翼,入口好正,蜜汁唔太甜,肉質好滑,唔會乾.
蒜味好出,完全超值!
見到好多人叫Pizza同炸雞,相信都幾好味!
下次試試先!

灑家粥麵 (觀塘)

太太成日話想試下灑家,今日專登過來食.
下午茶真的幾底食.兩人叫左3個餐及額外叫多一個皮蛋薑炸蝦筒.
個魚粥,粥底幾綿.魚都幾新鮮,但要小心食,因有好多細骨.
雲吞麵,蝦好好味,好彈牙.麵,唔會有鹼水味道,湯底就淡左小小.整體唔錯.
羅漢齋春卷,果真是真人不露相,賣相雖然一般,但入口唔油,羅漢齋好好味,份量十足.正!
京都炸醬麵,相比雲吞麵我更喜愛此麵,肉質好有口感,辣味一流,唔會過辣或過淡.
义燒飽,雖是平繁,但份量十足,义燒味好香,個飽嘅質感好重,好有份量.即叫即做,現在已經好難得.
皮蛋薑炸蝦筒,一流食品,一次過滿足你三個感受,皮好脆.薑味好濃唔太辣,皮蛋反而冇咩特別,蝦好大件又彈牙.可以一次過整件食是一種口味,分開三樣食又是令一種感覺.
真是十分滿足嘅一餐.
睇怕晚飯都食唔落喇!

根記粥麵店 (長洲)

生滾粥周圍都有,但在大排當食,現時已經好小有.
蠔仔粥$24,好大碗,足有六小碗,料好多,粥底好棉,蠔仔好大粒,數量又多,都幾新鮮,不過蠔仔味就淡左小小.
豬潤腸粉$22,周圍都有得食,但此店就大件又好食!豬潤好大件,唔會有異味,粉皮米漿做得好滑,醬油又好味,唔會過甜.
長洲之旅有個好開始!

老闆好好人,又健談!

丼吉日式吉列豬排專門店 (尖沙咀)

突然間想食炸物,一想就想起這間"丼吉".
於是致電之前食過The One果間問有冇lunch set.回應有:要$150位.重要冇三文魚刺身添!
不過,佢有個好介紹叫我打去第二間店,就是這間喇!一個set相差50%,真要比個like The One果間嘅介紹.

一睇menu,當然叫我嘅至愛:吉列海鮮伴三文魚刺身定食,吉列炸蠔及吉列蝦各一隻,個炸粉真是好正好脆,
唔會似有D店嘅粉好硬.吉列炸蠔好大隻,比起其他吉列店大一倍,入口唔干好juicy,超正!
吉列蝦,大大隻,好有口感,唔會干.佢個沙律醬,好正,帶有忌廉味,同D炸物好夾.
個飯都唔錯,唔是度度會用珍珠米.
前菜個沙律幾好食!
三文魚刺身,有5件,幾油香,好肥美!
個麵豉湯就淡左小小.
最後,重有西瓜做結尾.
真的滿足了!

服務質素一般,趕收野趕得好交關,似想你快D走一樣!

Three on Canton (尖沙咀)

有人請客去食Three On Canton自助餐晚餐.
今次好滿足嘅一餐,食品選擇多到一次食唔完.
食品太多不能盡錄.
生蠔:可食,肉質新鮮,不過太鹹.
響螺燉湯:用料足,清甜味美.
西洋菜陳腎湯:同樣一留,好有在家飲湯嘅感覺,降火之餘,好舒服.
麵包蟹蓋+茄啡蟹:麵包蟹蓋必食,蟹膏超正,鮮香味美.茄啡蟹就一般,蟹肉都新鮮,但冇咩味.
沙津+鵝肝+肴肉:沙津唔錯,選擇多.鵝肝超正,油香滿瀉.肴肉,肉質雖然有點實,但味道唔錯都做到上海菜嘅味道.
釀蟹蓋:用料簡單,有蟹肉及菇肉,味美好食.
蝦子蒸蛋+辣酒花螺+琵琶蝦:蝦子蒸蛋唔得太淡,蛋好老.辣酒花螺,幾好,辣味適中又夠淋.琵琶蝦味道都可以,不過肉太小.
龍蝦:味太淡,唔鮮味.
俄羅斯牛肉湯:味道一般,湯味太特別,本人唔多喜歡.
三文魚,吞那魚,希靈魚,蟹子,哈密瓜風乾火腿:三文魚幾油香,肥美好新鮮.吞那魚一般味道太淡.希靈魚可食,冇咩特別.蟹子鹹香好味.哈密瓜風乾火腿,哈密瓜香甜好味.風乾火腿煙燻味過重,入口太嚡.
蟹腳:三個字可以形容,鹹鮮香.正!
羊架,燒牛肉:羊架味道一般,肉質有D嚡.燒牛肉幾好,有肉汁唔乾,又唔會太生.
喇沙湯麵:湯底好正,香味濃郁,但餸就一般.
心太軟,香蕉雪芭,咖啡雪糕:必食之選,香濃朱古力配上兩球雪糕,一冷一熱,正!香蕉雪芭味道似食鳳仙,咖啡雪糕,本人至愛之一,香滑味濃.
實在太多選擇,食都食唔完.