阿糊雲南米線 (土瓜灣)

好耐無食過阿糊雲南米線，今日見有時間，就去坐坐。
好多人，幸好剛有三人位。
服務生雖然少笑容，但亦態度仍能接受，合格的
點了$26的紫菜水餃米線，奉送凍檸賓或凍豆漿，要了凍檸賓

紫菜，數量好多，軟度煮得適中，味道突出，但略嫌太幼。
米線，份量好多，有點稔，但整體都好滑好味。
芽菜，數量好多，較幼身，但可惜並不是靚芽菜，有的好似無肉咁。
水餃，見到個模印，令我猜想應該不是自己包的。皮太厚，肉是有點粉但又點像"鞋"豆腐，但不計口感的話，味道是合格的。
腐竹，一塊過，都幾大塊和厚身。好香豆味，一流！
湯底，點了清湯底，所以好清少味精。
凍檸賓，冰不是碎冰，見到後食到檸檬是新鮮的，甜度剛剛好，略嫌真的太凍。

整體來說，$26算係好的，而且份量都偏多，食得過！

上壽司 (土瓜灣)

今次係學校放晏的時候光顧，所以有學生餐
唔太喜歡店內的設計，因太暗了，有點壓迫感

因為係星期四，所以是日學生餐有叉燒拉麵同滑蛋魚柳飯選擇
上一次已經試過拉麵，所以今次就點了滑蛋魚柳飯。
學生餐，$30 一湯一飯一小件鯖魚一粒泡芙與一包飲品。

睇相既時候，見到魚柳飯上有三塊大魚柳，心想實物應該無咁便宜
誰知，一送黎的時候，都嚇了我一跳
飯碗好大好深，飯粒堆得滿滿的，而且是珍珠米
珍珠米粒粒都煙煙韌韌，但又好易咬爛，易入口，滿足啊
至於魚柳，果然是三塊大大大魚柳，而且好厚身，我食到最後一啖飯，仲剩低半件
滑蛋要特別講一講，因為有和民的味道，我記得之前係和民都食過滑蛋豬扒飯，依個滑蛋係一模一樣架！少少咸味，但真係好味！
珍珠米，魚柳及滑蛋同一時間放入口，一流吧！

好味的鯖魚卷，由鯖魚塊包著細細片的酸薑，雖然好細件，但酸酸地又易入口，真係唔錯！

麵豉湯讓了給同學，她說好味！

泡芙的皮唔錯，雪過入雪櫃，唔脆都係正常既
個餡雖然唔係全忌廉，但好濃牛奶味，不過有少少過甜，一粒夠哂數

下次會再來，吃“飯”

Papabubble (大坑)

在1月30日的時候，參加了他們的開張活動。
店外有裝滿糖果的籃子，糖果上是印有當天的開張日期，好精緻。
糖果味道很特別，因為味道不是水果味，而是一種說不出的味道。
裡面的裝潢很簡潔，以黑白灰為主。
但突出糖果的鮮艷顏色
整間店都充滿水果的味道，好FRESH。
要講既係通風系統好好，涼涼地。
相比起其他的西班牙糖果店，papabubble完全沒有塑膠味。
但店舖位置就唔太方便，不過想食的時候我亦會再去一次IMG:3]

[

Paul Lafayet (尖沙咀)

聽日係母親節，所以就一心想去買ROSE RASBERRY MARCARON CAKE
最後買左一件ROSE RASBERRY MARCARON CAKE & 一件RASBERRY MACARON

我今日早上要番學，所以就著住校服去買。
一行入去，企左成5分鐘，企係度嗰三個女仔完全無諗過要serve我
之後我睇左陣，有其他人行入黎，佢地竟然同人地介紹最出名的蛋糕款
我睇中了蛋糕後，就去收銀果度講要既蛋糕；
之後企係蛋糕櫃前果兩個女仔既其中一個終於開口同我講：其實你同我講要咩都得架喎！
咁我就指住件ROSE RASBERRY MARCARON CAKE，我話要一件。
佢就好唔情願咁樣問我：你指緊果件係咩黎架？
企係我前面果個女仔竟然無幫我答問我果個女仔，仲要扮聽唔到，繼續排Macaron。
最後佢pack好左，遞俾我果時先勉強笑一笑咁講句多謝
對佢既服務真係好失望

但係我唔會因為服務差而亂評蛋糕的質素。

RASBERRY MACARON $15
番屋企前就食左，沒有拍照。
一拎上手，個皮好薄，好易碎。
一咬落去，好透心涼的感覺，內餡好濃味，好厚。
第一啖覺得好甜，之後開始覺得可以。
唯一美中不足既係，完全食唔出杏仁味；或者其他口味會食得出。
最後要講既係，食完之後好似無食咁，完全沒有殘餘味道在口腔內。
但$15件，差不多了。

ROSE RASBERRY MARCARON CAKE $40
我還未拍照她就吃掉了
媽媽說：一咬落去，好似一堆硬糖霜化開哂，做得幾好。
MARCARON較薄身。
但係木莓沒有水，較乾身。
吃不出忌廉是玫瑰味，只知道味道討好。
但並不回味。

菓匠茶屋 (尖沙咀)

買了一盒櫻花特別禮盒。$108共有9件，每件都好重手，但內餡好普通。
櫻餅，葉太咸，只係食到紅豆味。櫻大福，餡味道似紅豆沙，只係撈左一堆碎哂既櫻花。士多啤梨大福，士多啤梨好香，但內餡的甜味蓋過左士多啤梨的味=無味。其他的我都唔清楚了，因為係其他人食既。
不過黑芝麻味好似唔錯既，但整體黎講，味道麻麻。

要講番SERVE我果個女人，係咁問我：你睇岩邊一樣，我PACK俾你
問到好似我一定會買咁