開心大家姐 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-05-03
今晚又係週圍搵野食時間 🍽 今次嚟咗一間新開嘅但其實已經有好多間分店嘅餐廳, 我係其他分店食,都對佢哋餐飲非常滿意, 尤其係佢哋啲自家甜品,造型靚有心思,味道當然好味 😋 今次嚟咗呢個分店喺朗豪坊4樓 food court 側邊餐廳位置, 其實好容易被忽略,亦好容易令人覺得佢係food court裏面啲其中一分子, 所以餐廳好細心地, 喺靠近food court嘅位置, 用咗一個包廂設計嘅概念, 令你用餐舒適, 不會被food court的嘈吵聲騷擾, 也不會被人眼望望 😝 今次的食物都好滿意 ,食得開心同滿足,最重要係服務員態度好貼心,有笑容🤗 (今餐係我自己真金白銀去食的一餐,食完覺得真係好先分享架!) 推介美食: TheTasteOfSummer, 原粒栗子栗子蓉焦糖醬雲呢拿海綿蛋糕, 龍蝦海鮮濃湯, 千島醬蟹棒蟹子帆立貝薄餅, 焗芝士海鮮魚蓉酸種麵包, 蟹膏甲羅燒黃金蟹肉意大利粉, 凍熱檸檬蜂蜜 評分: 味道 5 環境 4 服務 4 衛生 5 抵食 4
2024-05-03
最近好多餐廳相繼結業,搞到我對於食好嘢好絶望,所以決定一有時間就去試菜,今晚揀左去荔枝角一間和風 fusion 餐廳,我有打電話去訂位,都驚佢冇位,去到果然都有八成入座率,當然全部都係年輕人 👫👭👬🧑🤝🧑 主菜 🍽 #和風煎牛仔粒配牛汁金菇 牛仔粒香口夠嫩,配炸蒜片同葱粒或沙律菜一齊食牛汁金菇咸咸地,送飯啱曬 #日式照燒汁牛舌丼 牛舌有d 厚,照燒汁送飯好味 😂 #日式芝士咖哩吉列豬扒伴流心蛋(辛) 豬扒炸得好鬆脆,咖哩辣得好味 三款小食 : #芝麻鷄翼 好快凍左,但都好香脆好好味 #日式炸餃子 肉餡多,味道可以 #日式牛肉薯餅 炸野係做得好食,夠曬香脆 自家制蛋糕 : 一定要試 😋😋😋 #咖啡酒烤芝士蛋糕 必食之一,咖啡同酒味沒有互搶,都幾夾,加 埋少少雲呢拿 cream,蛋糕底有 d 榛子 ,有口感 #紅茶金莎巴斯克芝士蛋糕 必試精選,味道有層次感,食一啖有回憶感,原來係金沙 feel 😆 今晚食得太豐富,起碼要斷食一個禮拜先得 🤣🤣🤣 (今餐係我自己真金白銀去食的一餐,食完覺得真係好先分好架!) 推介美食: 紅茶金莎巴斯克芝士蛋糕, 日式芝士咖哩吉列豬扒伴流心蛋(辛), 和風煎牛仔粒配牛汁金菇飯, 咖啡酒烤芝士蛋糕 評分: 味道 4 環境 4 服務 4 衛生 4 抵食 4
2024-02-27
晚餐食過幾次,今日第一次來下午茶,見到泰式船麵 $44 連一杯飲品,都幾抵吖 😋 我叫咗一碗生牛肉河粉 , 可以選擇清湯或牛肉湯, 我就揀咗牛肉湯, 味濃啲。來到既時候見到 d 河粉好似好少甘,但牛肉竟然有六大片 😲 仲係有牛肉鮮味個 d,飲啖湯,果然牛肉味都濃,勁似係泰國食緊,初時以為河粉甘少,會吾夠飽,點知食完好飽,可能係食左六片生牛肉卦 😆 最後飲埋杯泰式奶茶,奶和茶配合適宜,當然甜度是略甜的,但泰式就是甜,幸好茶味也濃,飲完更滿足了 😘 評分: 味道 4 環境 3 服務 3 衛生 4 抵食 4
2024-01-10
香港的冬天雖然不算很凍,十零度都已有少少氣氛,去食蛇羹、羊腩煲、火鍋等,特別有 feel 🥰 今次去了西營盤一間很多好評的蛇羹店,距離地鐵站一分鐘腳程,當時衹是晚上六點左右,小小的店舖已經坐滿了人,我們 4 個人等了 20 分鐘終於可以進店了,其間店員很親切,盡力幫我們安排坐桌,很貼心 🫶 我們叫了大蛇羹,雙腸糯米飯,原來店內還有秘製浸鷄,咖哩牛腩,味道都有驚喜 😋 食評如下: 招牌蛇羹 (大) $88 古法炮製,滿滿的料,味道好味吾在講,條條長長的蛇絲,足證真材實料 雙腸糯米飯 $46 糯米飯雖然不是生炒,仍是很香很軟綿,潤腸+臘腸不算肥膩,不過為了留肚試其他的食物,我衹每款試了一口 秘製浸鷄半隻 $85 賣相已看出鷄肉嫩滑,食落好有鷄味,推介大家試下 咖哩牛腩例牌 $110 比較港式的制作,咖哩味香濃,牛腩炆得好稔亦入味,薯仔都一樣,最後當然全碟都食曬 😆 推介美食: 咖哩牛腩, 蛇羹 評分: 味道 5 環境 3 服務 4 衛生 4 抵食 4
2023-12-30
一間可遇不可求,既破格又創新的糖水店,位置別樹一角,出品既糖水都別樹一格。時常路經都吾一定碰啱佢開門,門外亦冇營業時間,真係要食都要講緣份 😆 除左糖水,店內都有供應一些傳統小食,如菜乾豬骨粥,狗仔粉等,但最玩野係燒賣(看圖片)和腸粉,最近新作「凍檸茶炒腸粉」,我未試,聽講味道不錯 ☺️ 今晚專程來都係食糖水,吾敢試佢既「蒜茸麻辣蕃薯」,叫左「芒果超級撈」,勁多生果同芋圓藏在芒果蓉內,啱曬芒果控 🥭 另一款都算新作 「焦糖爆谷楊枝甘露」,爆谷勁脆,靚仔哥哥話因為「當造」喎 😜 真搞笑! 楊枝甘露有層次,椰奶漿,大西米,芒果肉,西柚肉,大滿足 🤤 評分: 味道 5 環境 4 服務 5 衛生 5 抵食 5
|