妹頭~* 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-06-15
坊間好多既餐廳都因為懷舊熱潮而模仿冰室的裝修同食物款式.. 可惜模仿就係模仿....總是欠缺了冰室獨有既人情味, 以及冰室因歲月而留下來的痕跡..... 今日未食lunch~過開大角咀~就想起呢間曾被人講過有機會列入重建計劃之地段既老店~~ 特此一來嘆個餐~下晝4點黎到~~只淨下大概2-3張卡位枱~ 證明除左街坊外...多左人黎支持~~真好~! 要左個午餐:火腿通...通粉軟硬適中~好多時無坑紋冒通粉都會太淋... 湯底係清雞湯~夠晒味..!火腿絲都唔少喎..... 餐肉奄列都幾大份, 應該唔只一隻雞蛋..但食落好有蛋香..唔似溝蛋粉…餐肉切絲黎煎..好香口~~ 唯一要彈就係太鹹喇…蛋既部份落左好多鹽~竟然可以比餐肉更鹹…>.< 係因為上一輩既人已習慣呢種口味嗎?不過煎功就好~蛋冇老晒..食內層部份更有滑既感覺~ 舊式冰室既好處係套餐既配搭隨意~就算你唔要奄列..要蛋治, 一樣都冇問題~ 所以我既多士我要左奶醬多~多士烘得夠脆~~奶醬充足~~搽得匀,唔求其~ 我都知道呢道既奶茶好出名~可惜今日不宜飲咖啡奶茶類… 想飲紅豆冰但又怕佢既豆唔夠多, 我會失望~哈哈~最後鼓起勇氣問個女伙計…紅豆冰多唔多豆架… 個呀姐就大大聲咁答:’緊係多啦~仲好新鮮添呀~岩岩煲好咋~你要多豆咪落單叫多豆囉…有咩所謂呢.’ 就因為佢咁答, 好..我就要杯多豆紅豆冰~ 黎到….嘩~~~有75%係豆, 5%係冰, 其餘都係淡奶~~~~~真係多豆到暈….加$5…好抵~ 豆煲得夠淋~不過~好甜…係比平時既紅豆冰甜好多~可能老店做法都係做得甜d啦~ 比起其他茶餐廳..你話要多豆?通常都係答:係咁多架喇…/set左架../standard係咁~ 七記就真係會應你要求比多d豆你… 套餐要凍飲加$2..就係人都知~不過呢度既加$2..只係細杯裝~..要變番normal size就要加$3.. 有人話呢度d伙計好惡..我又唔覺喎~佢地自己習慣都係咁樣講野啫~ D熟客黎到又會陪佢地傾下計~講下世界盃~ 見到個婆婆拎住一大袋糭..又叫佢入黎抖下涼下冷氣咁~~我諗惡, 只係佢地既外表啫~ 呢度既裝修真係好古老, 依然仲有禁止隨地吐啖既紙張貼出黎~ 地板係細小既正方形階磚仔…櫈係好薄身~又硬…座得耐應該唔係幾舒服~ 我仲見到個女伙計幫人pack外賣好得意~竟然就咁用一隻紙碟裝住份奄列同多士.. 就咁放入成袋外賣入面~雖然環保啫~但係好似危險d喎~ 萬一杯飲品或者湯粉o係運送途中倒瀉~咪成份多士唔駛食?! 我諗我不時就會掛住呢間讓我開眼界既冰室喇~~ 推介美食: 紅豆冰, 午餐
評分: 味道 4 環境 4 服務 4 衛生 3 抵食 5
2010-06-14
o紅磡做左野都幾年~鍾意去附近間冰室~始終都未黎過呢間茶餐廳~ 但係lunch成日經過見到人客都唔少…幸好新同事係勇於試新野~ 入到去又唔算好多人~仍然有卡位座, 仲有兩部電視添.. 呢度有每日唔同既特價飯麵及小菜,有兩個價錢:$30(跟例湯餐飲),$28(只限堂食, 跟餐飲冇例湯) 同事要左焗肉醬意粉-$30, 我就揀左葡泰式特餐-$30 一路等我地既食物時見到其他人既食物份量都係特大~起碼比其他餐廳既份量大1/3, 開始有d擔心我地o個份會係點~ 先黎例湯, 竟然係用盅上, 青紅蘿蔔煲豬骨, 我試左啖好夠味喎~應該係‘師傅’落得好重手~飲晒會阻住個胃d位~ 而佢既焗肉醬意粉..焗既時間唔夠~所以唔夠燶同香, 好少芝士, 意粉好粗, 唔通煮到漲晒?! 試左啖~淋左d~~以港式茶餐廳黎講就差唔多啦~ 肉醬份量都多, 味道都唔錯~不過醬汁唔會掛住d意粉~所以同事最後淨番好多肉醬~ 我既葡泰式特餐有兩樣野~先講羅宋湯牛腩餐肉螺絲粉~都算幾大碗. 羅宋湯味道唔錯..酸酸地幾開胃~如常地有芹菜,椰茶,紅蘿蔔, 牛腩好淋~仲有幾舊牛筋添~真好!但竟然餐肉粒會出現o係羅宋湯入面~怪怪的~ 不過螺絲粉又係過淋.點解要煮到漲晒架..?! 套餐入面仲有個豬扒包~我要左走沙律醬.本以為係迷你size或者只有半件.. 但竟然做到同平時o係大x樂下午茶o個個豬扒包差唔多咁大~嚇親! 入面仲要好足料地有晒蕃茄同生菜~所以一定要將個口擘到好大先食到.. 好食~豬扒唔肥但有骨..我冇落醬都夠晒味~..包又焗得好脆~ 所以寧願食晒個包~食淨碗螺絲粉好過~ 呢度凍飲都係加$2, 但係又比平時既沖得大杯~但價錢卻有唔係貴~點解呢? 呢度既食物味道係ok,但份量咁大, 普通女仔點食得晒~下次唔係超肚餓都唔敢再黎~ 推介美食: 豬扒包
評分: 味道 3 環境 3 服務 3 衛生 3 抵食 4
2010-06-10
成日都黎呢度買麵包~咁岩今日見到西餅買兩件有9折~ 當然不容錯過啦~因為上次望過個餅櫃已經留意到有一件幾吸引架… 首先預一件比媽媽: 黑森林蛋糕, 賣相唔錯~清楚見到o係朱古力cream入面有大大粒cherry~ Cherry既酒味幾重~但媽媽幾鍾意~估唔到一件西餅入面有2粒半咁大粒既cherry喎.. 只有蛋糕面層係灑上DARK CHOCOLATE碎..算係平衡到下面蛋糕既甜膩啦~ 蛋糕唔夠鬆~我就最鍾意係佢有硬身既餅底喇~\ 至於我就揀左綠茶栗子雙色蛋糕~一睇就被中間o個層厚厚既栗子蓉吸引住~ 媽媽唔愛食綠茶味既食物, 所以我一個人食晒..^^哈..佢話綠茶只係用黎飲架咋~ 幸好呢件蛋糕唔多cream~蛋糕既綠茶味適中~只帶微甘.. 但栗子蓉真的厚厚~唔太甜~又唔覺膩~最驚喜係蛋糕上的綠茶cream..超濃綠茶味~! 上面o個半粒糖漬栗子真的好甜呢~>.< 店員有禮~仲細心地會自動講比我聽~紙盒入面放左膠叉~ 推介美食: 綠茶栗子雙色蛋糕
評分: 味道 4 環境 4 服務 4 衛生 4 抵食 3
2010-06-09
去機場前先同媽媽o係度食個快既晚餐~ 因為拉住喼..所以只好去o係地下既餐廳.. 今次比多次機會呢間分店~因為記得佢岩岩開既時候食過一次~味道及質素都係冇咁好~ 座低後幾乎唔駛諗~只係叫番我常食既烤牛肉凍檬同埋媽媽既生牛肉湯河~ 烤牛肉凍檬-$26, 唔駛5mins就送到面前… 超多蔥油…所以食落好油膩~要落好多魚露黎平衡番~烤牛肉幾好~完全唔韌又夠味~ 檬粉份量多~口感爽硬~但係點解會冇芽菜架…我記得o係舊店一定有~ 乜唔同分店做法都唔同?! 至於生牛肉湯河-$23, 賣相唔錯喎~仲另外用個碗仔比半粒青檸同少少辣椒碎~ 食落湯底好清甜..好重香草味~ 不過唔明點解會辣既(冇落到辣椒碎)..反正我食得辣..冇所謂~~ 河粉要讚~又薄又滑~正~但係生牛肉就唔得喇~韌到咬唔開~咬開又痴牙喎~ 媽媽食淨大半碗~我幫佢清埋d河粉~滑到停唔到口呢~^^ 總括黎講~呢間店較大~座得舒服d~人流冇上面o個間咁多~平日基本上唔駛等位.. 服務都幾好既~d呀姐會幫你加下水~又會提你d檬粉落多d魚露冇咁乾~ 但食物味道真係冇上面o個間咁好~
評分: 味道 3 環境 3 服務 3 衛生 3 抵食 4
2010-06-08
細細個已經鍾意去呢間m記~仲會o係度開生日會添~ 但因為商場裝俢及轉型..呢間m記都o係上年結業~估唔到今年又會重開~ 不過就比以前細左少少..而且要行入一個舖位~ 裝備當然有變~ ~冇左以前麥當勞叔叔同朋友仔既壁畫~冇左份童心~ 換黎比以前型格..設計時尚d~不過燈光亦較暗~ 冇變既就係o個塊大玻璃窗~依然都可以望到出去睇街景~望住d輕鐵駛過.. 今晚叫左個big mac 餐加大, 另加多一個豬柳蛋漢堡包同媽媽一齊食~ 問收銀既trainee..可唔可以個big mac走醬~佢有d猶豫咁話好似冇醬架~ 佢身後恰巧有manager經過聽到..就話唔好意思呀~有醬架~幫你走醬啦~ 仲好有禮拜叫我等多陣添~連個traninee都有個唔好意思~ 好少m記既service有咁好喎~值得欣賞~ 遘下d野食先~big mac熱辣辣~份量比我小時候細左d~ 我一個女仔都食得晒~ 生菜絲份量多~食時好易跌出黎~ 我最愛係走千島醬~然後自己加茄汁食~ 而薯條都因為流量高~炸得頻密~所以係夠脆同微溫. 而家真係好抵食~一個餐只係$20~ 當然正價套餐比起以前$20都唔駛已經加左好多啦~ 黎呢度除左係情懷~仲因為方便..^^. 始終都係鍾意呢間分店多過錦華o個間~!
評分: 味道 4 環境 4 服務 4 衛生 4 抵食 4
|