妹頭~* 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-08-04
星期六約左親戚一齊食lunch傾下計~ 上O.R.搵搵下..先知原來呢間既食評都唔錯喎~ 因為兩年前公司既annual dinner就係o係度舉行~之後就冇再黎過喇.. 是日12點幾先打去訂位~幸好…仲book到~ 呢度既lunch大致分三種:a) salad bar lunch-$60, b) light lunch-$75, c)executive lunch($85-$98) 三種set都係包左OJ/ 汽水一杯, soup, 餐包, salad bar, dessert, coffee/tea, 而a)同b)既分別就係light lunch可選以包為主既main course, eg. Sandwich, pizza, burger, etc. c) executive lunch 同樣係主菜既分別, 有pasta及扒類, 而餐前飲品除左可選OJ或汽水, 更可選house wine. 基本上salad bar set對我黎講係夠飽肚..不過light lunch有我最愛既burger.. 而且又只係加$15..咁非揀不可啦~ 我地一行5人..3個女性揀light lunch..兩個男性揀executive lunch.. 同埋呢度有個好處就係可以食住等~皆因salad bar望落太吸引喇…哈哈~ Salad bar 有4款沙律菜:羅馬生菜, 火箭菜, 及兩款我不知名既菜~ 有超新鮮既哈蜜瓜及菠蘿, 罐頭桃片, 粟米. 紅腰豆, 車厘茄, 薯仔沙律, 火腿片, 三色茄子等~ 醬汁亦有多款: 油醋汁, caser sauce, 芝麻汁等~ 當然仲有沙律必備既脆麵包粒, 煙肉碎, 芝士粉等配料~ 我最鍾意哈蜜瓜同菠蘿..因為新係好多汁又甜~ 而茄子都好特別..有紫/黃/綠..三種都唔同口感~粟米+紅腰豆+,薯仔係我最愛既沙律配搭! OJ應該係從外購入的, 係有果肉的但唔太甜..ok house red wine我冇飲..但聞到都幾香 今日餐湯係青豆蓉湯..好味呀~將青豆蓉blend爛左~有沙沙地既口感.. 到我兩點幾走既時候發現已賣晒..轉左南瓜湯lu~ 餐包都有兩款..白法包及麥法包~拎上枱時熱熱地~~有焗過~麥味幾香… Main course需要等候一段時間~可能人太多既關係啦... 最先上既係墨西哥風味雞肉卷~賣相幾好..薄薄既餅皮卷住好多雞肉~ Auntie話辣辣地~幾好味~但係表弟試左少少就話普通..唔特別好食~ 跟住兩個表弟既main course都黎喇~先講蕃茄吞拿魚意瓜螺絲粉..表弟話d螺絲]粉好硬~ 而且佢唔鍾意食意瓜…我諗係佢食慣港式意粉淋淋既味道啫~ 炭燒西冷扒唔係好大塊..有兩小舊薯仔伴碟~ order左medium rare..但我諗起碼有6-7成熟~雖然係咁~我試左啖都幾淋..有肉味~ 我既burger終於出現喇~大大個~好吸引呀~side dish仲有熱辣辣既薯條添~ 漢堡包左個厚厚既芝麻包~焗過後脆脆地..塊扒都幾juicy~唔錯~ 仲夾左芝士,蕃茄同洋蔥添~~我食左3/4個~好飽~~咁既份量邊係light lunch喎… 最後一個係Parma ham pizza~係薄批..有6件~蕃茄醬既鮮味加埋Parma ham既鹹香~ 味道唔錯~仲有火箭菜放上面..presentation更靚添~ 豐富既一餐點少得dessert同咖啡做結尾呢~ Dessert先係士多啤梨 mousse..到我地食既時間已經賣晒~ 估唔到係chocolate cake~ bitter taste.少少甜.i like it~ 係較實..少少濕潤既質感..其實都有d似brownies.唔錯! 到我地走既時候又賣晒喇...轉左供應雪糕~ 整體好滿意~服務幾好~waiter會主動加水.. 而且而家用City bank credit card仲有9折添~~ 真係好抵~有機會既話我會再黎慢慢嘆!! 推介美食: grilled beef burger,salad bar
評分: 味道 4 環境 4 服務 4 衛生 4 抵食 4
2010-02-02
食物除左本身既味道好與差, 仲可以從記憶同感情去加分. 由我出世到而家呢家茶餐廳依然迄立不倒…犀利~ 今日拉埋屋企人陪我食~多d人可以食多d款…嘻嘻^^ 餐廳格局冇變…但因附近多食店競爭…食物款式多左好多~ 有兩頁共4面既餐牌~我揀左我兒時必叫既窩蛋免治牛肉飯..配熱谷咕.. 哥哥就叫左爸爸以前既至愛菜遠火腩飯..配凍齋啡(+$2) 而媽媽就叫左我地未試過咖哩斑腩炒河..配例湯~ 是日例湯係西洋菜南北杏新腎煲豬骨~好大碗~ 好夠味~就算落左味精都唔出奇~除左湯之外仲有好多湯料..岩晒我~ 菜遠火腩飯先到…食左食啖~都幾好~ 個汁幾好味~火腩既鹹味煮埋落蠔油汁…撈飯食確係唔錯~ 火腩唔多肥膏~肉唔嚡, 整得係唔錯~ 窩蛋免治牛肉飯隨即黎到…鍾意呢個飯夠味又方便..食前撈匀就攪掂… 以為整法好簡單但自己始終整唔到茶餐廳既味道.. 味道同以前差唔多~只係雜豆份量少左~ 而且飯多左~..不過d飯就有d硬左~個汁同火腩飯個汁好似~ 不過就冇咁鹹..但因為太多飯~食唔晒要打包… 至於咖哩斑腩炒河唔似有炒過...係就咁淋d咖哩汁落去~ 仲有洋蔥, 青椒, 薯仔做配料~當然主角斑腩就唔少得~ 咖哩汁份量好多~同河粉好夾~一貫港式咖哩汁風格,唔辣..但有咖哩香味.. 薯仔好好食~唔散開似先炸過~但好粉.. 而斑腩既份量適中~但略嫌炸漿厚左d~整體好味..清碟~ 服務有求必應~飯要多汁有多汁~炒河要少油..唔知有冇做但感覺油唔多~ 最明顯係我既谷咕..落打時要濃d~真係好濃~ 除左係自己沖..真係未試過o係出面飲到咁濃~正! 再黎食係岩架~始終呢度做街坊生意~人情味係濃d~ 因為保持到水準..我會再黎食過~ 推介美食: 濃谷咕
評分: 味道 4 環境 3 服務 4 衛生 3 抵食 4
2009-09-25
好耐冇黎呢度飲茶喇~ 見今日較為得閒..就揀左黎呢度食下一盅兩件先~ 下午茶兩點開始~ 大,中,小,一律$9.8 另有$12.8選指定點心兩款既優惠.... $12.8 既優惠紙:要左海帶綠豆沙同鮮蝦炸雲吞~ 另點左叉燒包同羅漢齋粉包~又自己出左小食亭度拎煎雙色糕~ 先食新鮮煎好既雙色糕, 因為唔特別想食馬蹄糕..要左兩件蘿蔔糕, 一件芋頭糕~ 每件都煎得好靚...糕面有一層脆口既薄焦...岩晒鍾意香口既我地... 蘿蔔糕唔會好粉..食到有蝦米同蘿蔔絲, 少少冬菇粒, 亦有臘腸..味道OK~ 而芋頭糕係用切成粒粒既粉芋頭..食到有五香粉味道~較為濃味...唔錯~ 跟住就到新鮮黎到既叉燒包喇... 係我每次都要order左野~因為叉燒唔肥..又多汁~ 包又唔會糊口~好味道.... 鮮蝦炸雲吞...有d地方只係擺舊肉落去包~ 唔多吸引~但呢度就算有蝦o係入面都只係收中點錢~ 炸野當然好味啦~食得多就太熱氣喇....3件份量ok啦~ 幾扺食~唯獨係唔夠多酸甜醬蘸~ 自己又懶得出去拎~嘻嘻...... 至於較少酒樓仲有供應既羅漢齋粉包...就普通d~ 雖然粉包入面都多餡~但因為米漿太厚喇~ 仍有進步既空間呢... 放到最後先食既海帶綠豆沙...因為係最先拎黎~所以熱都變凍.... 但唔緊要~幾好~唔太甜...除左有綠豆之外仲有少少西米同好少紅豆~ 都幾多海帶...用料足~稀杰程度剛好呢~~~~大大碗 食得過~^^ 黎呢度飲茶最緊要就係有耐性~ 因為人手好少~執枱/ 加水都要等一陣, d侍應太忙~未必會望到你架.... 我就唔係好介意呢樣野~只要岩食又價錢扺的話~ 同埋另一個諗法會係可以慢慢座~冇咩人打擾你~ 得閒可以一試.. 推介美食: 鮮蝦炸雲吞, 叉燒包, 海帶綠豆沙
評分: 味道 4 環境 3 服務 2 衛生 3 抵食 4
2009-09-21
本人其實戒左雞都差唔多兩年... 因為由細都大都對雞唔太感興趣~ 覺得又嚡又冇咩味~加上而家好多雞都打左針... 有激素...冇益~ 但因為朋友極力推介...又因<榮式>o係O.R.既口碑都唔差... 所以就到o係屯門新開既分店一試..... 朋友食過另外兩間分店~發現與此分店有少少分別~ 研究左一陣餐牌....老闆親自黎介紹~ 我地好聽話地要左燒雞扒稻庭烏東, 板燒茄子, 板燒雞翼, 鱆魚蓮藕餅. 平時最怕食燒物會燒到乾晒水~所以要試燒物店的好與壞, 就要睇下d容易流失水份既食物喇.... 打頭陣既小食燒茄子..仍然保持juicy~小茄子一開二原條上~ 叫waiter幫我地剪開幾件後即食~雖然落左少少燒汁~ 但仍食到茄子鮮甜...... 跟住當然要試此店名物燒雞扒稻庭烏東~ 自己平時都鍾意食稻庭烏東, 因為粗幼剛好~唔會有食得太多麵粉而飽滯既感覺... 此店既稻庭烏東彈牙..煮得剛好唔太淋...^^ 加上木魚湯清甜, 加有少少配菜:芽菜,粟米及木魚絲.. 燒雞扒雞皮少少脆, 但啖啖肉~都有滿足感...估唔到會食到有雞味... 之後老闆話佢地係用靚既稻庭烏東..雖然成本係高d~ 但佢話普通貨連佢自己都接受唔到~點比客人食呢~..e~有point喎~ 以鱆魚膠加上蓮藕粒搓成餅狀再係炸既鱆魚蓮藕餅, 食落唔油膩.. 鱆魚膠彈牙...蓮藕又爽~ 淨係咁形容都知道好食啦~ 最後當然食埋另一主打板燒雞翼~之後老闆話有少少辣~ 儘管一試~明白了......辣味黎自黑椒....其實真係微辣~ 雞翼size唔細~多肉, 而且兩條骨剪開左~更方便進食~亦因此醃得更入味~ 雞翼比雞扒惹味~而且皮亦燒得更脆... 各有各好~... 店子唔大~以木色為主調~冇茶餐廳感覺....... 雖然我不愛食雞~但估唔到呢度竟然比到我覺得好食既體驗~ 其實食唔食雞既都可以黎一試~因為除雞之外仲有別既選擇...(如豬軟骨/豬扒/鰻魚等) 我當然會再黎試埋其他啦~^^ 推介美食: 鱆魚蓮藕餅, 燒雞扒稻庭烏東, 板燒雞翼
評分: 味道 4 環境 3 服務 4 衛生 4 抵食 4
2009-08-28
每年因為呢個fd都起碼有3次去齋店既機會~ 今次佢揀左呢間~佢話食物好~又座得舒服~又方便~ 好~對我黎講雖然遠d~當然會支持啦~ 金色既門面靚~有得外賣糕點同齋菜~ 揀左卡位座-$10茶芥..如座普通中間圓枱則$6/位, 但卡位可以自成一角同埋冷氣冇咁凍.. 點解會茶錢唔同呢~..因為一開始茶錢仲係一樣既時候, 人人都話要卡位~所以老闆就將卡位既茶錢提高d喇~ 由朋友點菜: 例湯(北菇雪耳煲椰子)-$38, 鐵板煎釀三寶-$58, 香樁吞拿魚煎蛋角-$55, 靈芝菇炒斑片-$60 5分鐘例湯就到~每人分到1碗半~幾抵飲…相信必定有加師傅~ 如果唔係~只係得北菇雪耳煲椰子點會咁夠味呢~飲落清甜唔過鹹… 仲有一小碟湯料~(大量花生同超硬椰子, 兩隻冬菇, 一舊雪耳, 一件紅蘿蔔) 飲到有雪耳既膠質~可能已煲溶d入去… 香樁吞拿魚煎蛋角繼已送到~估唔到係會咁既色~ 應該係因為有香樁已導致黑黑的~ 一食就覺得幾好味喎…因為煎得好香~個邊仲有焦添~ 加左芥蘭片..更有口感同令顏色靚d. 食到最尾就覺得過鹹添….. 再黎既靈芝菇炒斑片一見到我就覺得太油喇~ 有幾條菜心伴碟, 除左靈芝菇同斑片, 仲有馬蹄片同紅蘿蔔片… 斑片賣相似鯪魚片..味道好似真既魚鬆.. 朋友話每次黎都必叫鐵板煎釀三寶.. 上枱時先上鐵板..再o係客人面前倒d煎釀三寶落去.,再淋埋酸甜汁~ 效果好似平時剧扒咁~鐵板發出’滋滋’聲~好吸引呢~~^^ 小心太心急食會辣親嘴…三寶分別係茄子, 青椒同冬菇~ 夾住既素肉幾彈牙..茄子幾清甜..而冬菇既反應就較普通喇… 最後送既糖水幾好味~如果大方d~比大碗d就好喇….嘻嘻….. 係椰汁黑糯米西米露…夠杰唔太甜… 呢間素菜館價錢比一般舊式既較貴同細碟~ 不過就真係乾淨同好座得多~連d呀姐都有禮貌d~ 推介美食: 鐵板煎釀三寶, 香樁吞拿魚煎蛋角
評分: 味道 3 環境 4 服務 3 衛生 4 抵食 3
|