妹頭~* 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2009-08-24
同移民左去外國既中學同學聚會.. ~十年冇見~難得返黎~ 食完酒泉後~未想分開住~因而有人提議食甜品~ 哈哈~正合我意....... 一早已上OR睇過附近就只有呢間糖水舖..(因為唔鍾意b仔) 所以就一行四人..入到門面整潔光鮮既甜品店內........ 眾多甜品中~我既選擇困難症又發作~ 芝麻糊,合桃糊, 腰果糊...唔知食咩好呢... 朋友仔唔等我,分別叫左個芝麻糊, 白果蓮子腐竹糖水+湯圓, 西瓜西米露~ 我試左啖芝麻糊之後都覺得唔錯~ 好...我叫熱芝麻糊+紅豆沙.. 另要左個砵仔蘿蔔糕一齊食~ 芝麻糊既唔濃杰程度剛好~唔太甜~不過就覺得唔夠熱... 見到友人既白果蓮子腐竹糖水奶白色,稀稀的~白果蓮子唔太多. 但友人話湯圓好軟熟~芝麻餡唔會成啖糖.... 至於西瓜西米露就極普通...因為只要西瓜入貨靚~d西米露冇咩技巧可言... 我既紅黑: 紅豆沙份量較多~芝麻糊被紅豆沙溝稀左~ 但亦因為咁~呢個糖水就較有口感...紅豆沙多蓮子~但可惜冇果皮香.... 同埋溝左紅豆沙好似甜左d喎.......不過~芝麻糊係唔錯既... 其實大家都唔係肚餓, 但見到砵仔蘿蔔糕咁特別~就要一客share食啦~ 切開蘿蔔糕都見到有一絲絲蘿蔔,蘿蔔絲清甜..... 遺憾係粉較多~\有d糊口~ 其實如而蒸既方法黎整蘿蔔糕...應該落少d粉, 落多少少配料... (見到少量孤伶伶既蝦米同冬菇粒) 因為蒸唔似煎~係唔怕蘿蔔糕會散開的.... 比起好多後起新式甜品店~我都係傳統糖水多d~~~ 本想外賣馳名杞子紅豆糕返屋企比媽媽品嚐~ 可惜售罄.....只係21:00幾啫~ 仲有成晚生意竟然咁快冇.................下次一定要買到 推介美食: 芝麻糊, 芝麻湯圓
評分: 味道 4 環境 4 服務 3 衛生 4 抵食 4
2009-07-17
與同事食farewell dinner..揀左較方便佢既又一城~ 其實想試呢間好耐~因為食評一路以黎都唔錯~ 早o係6點幾已黎到~但因為入座開始計1.5hrs後要還枱~ 所以決定等埋朋友先~差唔多7點度入座~ 外面較光猛位置已full, 我地3人座o係餐廳內望住好多包同Danish既枱~ 其實呢度更有情調,加上望住d咁吸引既包包~胃口大增呢… 有o係OR做功課~ 叫左個蟹肉沙律-$88, 南瓜栗子有機糙米飯-$78, 松露汁野菌幼麥麵-$85, Chocolate brownies-$35 先黎係麵包籃: 白麵包及黑麥包各三片~焗得外皮脆脆..但麵包依然好軟熟~ 搽埋牛油~真係唔錯~黑麥包仲有獨特既麥香呢… 餐前食左兩片~到餐後見仲有淨就唔好浪費喇… 哈哈~食多一塊先~估唔到隔左成個鍾外皮仲脆既.. 跟住既蟹肉沙律..估唔到portion幾大, 蟹肉份量多~ 將芝麻花生汁撈好沙律…好香~加上有d碎nuts增加口感... 生菜冇咩出水~醬汁剛好~唔會有溜既感覺~ 南瓜栗子有機糙米飯..大家都愛南瓜同栗子~所以就算呢餐冇咩肉類都唔緊要啦~ 我自己本身都鍾意食糙米飯..呢個飯煮得剛好~唔硬.. ~又有口感~ 但記得要咀嚼多陣會更容易消化呢~ 用左南瓜汁煮飯~食落甜甜的~栗子切得細細~食落鬆化~ 南瓜同糙米=高纖, 栗子=健脾, 崧子=含不飽和脂肪酸.. 有益又美味~ 松露汁野菌幼麥麵一上枱已聞到好香~應該係d菇既味道吧.. 麥麵同樣要咀嚼耐d~食得出幾麥既感覺~當然唔會好似意粉或天使麵咁滑~ 但始終係健康d既~ 此汁味道香濃~同埋都幾足料~好多菇菌類(好似食得多可幫助抗癌架..)~~ 唔好睇細細碟~食落都幾飽肚~ Chocolate brownies一望就覺得好似好硬咁~因為有好多合桃呢~ 蛋糕質感較實淨~朱古力味好濃~ 如果濕番少少更好~..但咁既質素都唔錯喇~ 好有雲呢嗱味既雪糕, 但溶得幾快~ 因為我地約20:15度先order甜品~ 所以waitress就同我地講食埋desserts後約20:45儘量還枱比佢地~ 冇問題啦~我地仲每人買左一袋特價Danish呢(20:30開始有售) 一袋三個, 我第二日焗番個Blueberry Danish同Almond Croissant同家人食~ Blueberry Danish先用牛油紙包好先入袋~因為免得d醬整污糟包裝袋~幾細心喎.. 一打開見到好多藍莓o係面~好吸引~ 一咬落去感到d汁好多~而藍莓下亦有吉士可中和酸味~ 酥皮夠鬆化~我仲要焗到好脆添~ Almond Croissant 都係已焗得香脆~帶有牛油香, 面頭有杏仁片同糖粉..望落冇咁單調~ 但我都係較鍾意前者, 因為一向都唔太好Croissant... 再過一日再完成埋個sweetcorn bread~~ 望落去幾特別~有d好細粒既籽o係面~仲有杏仁片添~ 個包唔軟熟~係較煙韌既質感..有口感~ 原來好多粟米o係入面架~ 粟米好清甜~與英文名好匹配呢.. 本以為呢個包會係呢袋麵包入面最遜色既一個~ 點知出孚意料之外添~ 原本danish呢類包係賣$14/個, 而家$23一袋3個好抵呀~ 推介美食: 蟹肉沙律, 南瓜栗子有機糙米飯, Chocolate brownies, Blueberry Danish, sweetcorn bread
評分: 味道 4 環境 4 服務 4 衛生 4 抵食 4
2009-07-16
有fd食過CWB分店o個間~ 推介左好耐~見咁岩有食滿$200減$100既coupon就約佢一齊去啦~ 地點唔難搵~ book枱時~服務生已講需要21:00還枱~ 但如冇客等就照可以繼續~ 1600-20:00係happy hour時間, :DAppetizers有8折, cocktails買一送一, 我地Total 5個人, order 左Onion loaf(half porttion)-$48, Snack combo-$108, Papaya salad-$98, Original pork ribs(regular)-$168, chocolate chips sundae-$58, chocolate brownies-$42, iced lemon tea-$29, iced lemon coke-$32 落單後先送上法包籃及香蒜牛油.. 法包有先焗脆~但其實精髓係d牛油~ 有蒜蓉~特別香... 連平時唔鍾意食包既朋友都因為d牛油食左兩片呢~ Onion loaf早已o係食評中見過~因此對其外表唔會有大反應.. ~onion幾甜~但炸得幾油~ 一定要襯熱食~因為未凍都猛出油喇...蘸埋佢地d醬令它加分了... 對比outback的Onion loaf..呢度較好就係可以有half portion既選擇. 而outback的洋蔥花則更靚更脆. Snack combo有炸芝士條~辣味雞翼~焗薯皮..每款各有4件~3款醬汁~ 先食我至愛既potato skin普通..唔係特別出色~雖然有加芝士及煙肉焗, 但相比dan ryan's還差得遠 炸芝士條-攤耐左仍然好脆~重芝士味~呢個唔錯~醬汁酸酸甜甜,有蕃茄粒o係入面~好味~ 雞翼冇食到~但朋友話好惹味~唔太辣喎... Papaya salad即係燒雞同木瓜粒加左落凱撒沙律..木瓜幾甜, 同埋生菜都幾新鮮爽脆~ 燒雞份量多~而朋友話唔嚡又唔乾~我望落去就覺得d顏色唔多吸引喇~ 跟住就到呢度最招牌菜喇~Original pork ribs有三款size選擇~ 我地既regular size大概有12條肋骨.. 賣相幾吸引, 燒得香~肉質嫩滑鬆化~唔駛用力好易切開~冇咩肥膏~但肉都唔多~ 每人約食2-3件唔會太滯.. 配菜揀左薯條~..好脆~鍾意呢d粗薯條~ 我蘸炸芝士條既酸甜醬食~更好食~因為似茄汁~而且入面仲有蕃茄粒粒添... 菜絲沙律都唔差~但我就唔鍾意咁多沙律醬喇... 哈哈~個肚仲有位食desserts,叫左兩款朱古力味道既. chocolate chips sundae其實即係大曲奇加左4小球雪糕, 啣左d焦糖醬做裝飾~ 賣相唔錯~ Cookies係美式的~又軟身又甜... 唔係我鍾意既脆脆口感.... 點解呢個係desserts items最貴既呢...? chocolate brownies配一球大雪糕~ 呢個反而唔錯~唧左朱古力醬做裝飾~ browines面層焗到微脆~ 蛋糕實實地~幾濕潤~但係點解會冇合桃o係入面架.... 呢度既desserts份量都冇一般美式餐廳既大... 服務唔錯~但最尾發生左件小插曲~ 一問waitress 拎desserts menu.. 竟然就以為我地食完d食物... 其實隻碟仲淨唔少薯條架~我地未回應得切~佢就已經收左喇~ 哈哈...最尾只留到個法包籃~~ 下次再黎一定要食晒食物先好拎menu... 推介美食: 送既蒜香牛油, 炸芝士條加酸甜醬, Original pork ribs
評分: 味道 3 環境 4 服務 3 衛生 4 抵食 3
2009-07-14
搵地方同家人食buffet gathering… 搵左好耐~因為想去一間大家都未去過既~… 而我都差唔多有10年冇去過Eaton hotel 喇~ 以前因為媽媽join左member club而常去食buffet既事都已成回憶lu~ Tea buffet由1500-1700, 餐廳o係4/F,可於地下由一條電梯直達. 準時入座既客人都幾多~我係其一.... 食物望落比想像中豐富.. 先有一欄放有製醃好既肉類,如火腿, 香腸, 芝士等~ 當然唔少得乾果伴食(有蘋果乾, 杏脯乾,提子乾), 合桃, 仲有脆麥餅可配芝士. 將蘋果乾同合桃加左落自製既沙律中~有益又好味~味道淡口, 食得出兩者係原味冇調味~ 然後就係長長既冷盤,小食, 沙律區, 冷盤有凍蝦, 龍蝦仔, 青口,. 再有兩款的骰三文治(芝士火腿及三文魚), 自撈沙律有兩款生菜, 粟米粒, 車厘茄, 灼西蘭花.. 廚師已拌好既沙律都有幾款, 紅腰豆牛柳粒, 泰式墨魚沙律, 沙律醬撈青瓜, 仲有蝦沙律, 芝士粒車厘茄等… 凍蝦幾大隻,肉質唔差~ 青口醃得好好味,我冇加任何醬汁, 但好鮮味~~龍蝦仔冇食,因為總覺得太麻煩喇………. 我鍾意食沙律~所以都夾左兩次~客人夾晒會轉款…普遍味道都唔錯 同埋呢度供應多款沙律汁任揀~約有6-7款, 試過脫脂提子醋沙律汁~少少酸酸甜甜好特別~ 最欣賞泰式墨魚仔沙律, 有生洋蔥, 青瓜絲,蘿蔔絲, 爽口墨魚仔…味道酸酸辣辣剛剛好~又開胃~ 再行過少少~就係麵包區~ 見到有長法包及農夫包等等…可叫廚師幫你切… 但係都唔係好多人拎咋喎…因為其他食物更吸引呢… 然後右手面就係壽司同魚生區, 三款刺身(三文魚, 八爪魚, 鯛魚)﹑ 壽司有鰻魚, 熟蝦﹑生蝦, 玉子, 三文魚, 蟹子沙律等… 三文魚刺身幾肥美~估唔到價錢唔貴既tea buffet都竟然有三款有質素既魚生~ 到熱葷喇~先講中式.. 有煲到好綿既雞粥~媽媽最鍾意落埋d新鮮薄脆一齊食~仲話好夠味添~ 點心有蝦餃, 牛肉及豬肉燒賣. 望落去蝦餃好靚架~點知食落去就好失望~雖然都係多蝦, 但一夾起外皮已散~明顯係over cooked 反而豬肉燒賣就唔錯喎…唔多肥膏~又有蝦o係入面~ 最讚係炸魷魚鬚, 炸得剛好~唔會食落滿口油,而且每條都係大大條, 又彈牙…哈哈~我食左好多呢~ -西式熱葷類- 紅酒炆牛尾好淋, 唔駛用刀都可以整開d肉~帶有少少軟根, 更好美味~ 羊扒都唔錯~肉唔韌, 雞翼就幾大隻,味道普通啦~ 楊州炒飯味道冇特別, 唔多蝦, 但炒得乾身唔油~ 仲有即製既食物~串燒只有雞肉~冇得揀~仲有煎雞肉腸, 呢兩樣我都冇食到.因為我唔鍾意食雞的. 望到煎得幾香口, 串燒應該還不錯~因為表弟唔只食一串咁少~ 即燙湯粉麵-可選蛋麵,米粉, 油麵等, 配料則有菜類及丸類... 有家人食過d丸類就話細細粒似自製的~味道都唔錯~湯底較清 仲有唔好錯過呢度既pizza~有兩款味道~ 一款係千島汁, 配料係較清的,有粟米,青椒等... 另一款係茄汁底~有黑橄欖及免治肉~有d似超級至尊呢~ 不過共同之處就係大家都係批底夠薄~脆脆的~又新鮮~~就算食曬兩款味都唔會太飽~ 仲有令人喜出望外既麥樂雞~ 講唔出佢點好味法~但肉唔嚡, 又炸得剛剛好~唔見又油~總之就大家都覺得好味啦~ 再講當然就係甜品啦~ 約有7款小甜品杯~約7款蛋糕,布甸類別, 仲有白朱古力噴泉, 雪糕等~ 甜品照片一(從左-右,上-下):芒果蛋糕鬆軟~多芒果,少cream~唔錯. 香芋mousse雖然望落顏色靚~但較淡味~只可淺嘗... blueberry cheese cake, 好硬淨~可以成隻叉拮到件蛋糕實一實就知唔多好喇~雖然濃cheese味~但就唔軟滑~食左大半件覺得好滯~有d失望喎... chocolate brownies~呢個對比件cheesecake簡直係天壤之別... 濃朱味~多合桃, 而且蛋糕唔死硬, 實得剛好.. 然後清一清味蕾,試兩款布甸先~芒果及斑蘭布甸~正常味道~冇咩特別..Tiramisu就唔錯喎..酒與咖啡味調校得恰當~質感軟滑~另一特別之作~酥皮玉桂蘋果卷...此乃唯一既熱甜點..重玉桂味~但蘋果蓉唔太甜...酥皮唔錯~加埋雲呢嗱汁~正~ 食左兩件~因為較少有~ 甜品照片二(從左-右,上-下) 芒果柚子布甸, 柚子酸酸的~中和左芒果既甜味~呢個比普通版好~咖啡mousse, 雖然滑~但咖啡味唔濃~冇食唔係損失....藍莓醬+意大利奶凍..奶凍要配合藍莓醬一齊食先好食~..但奶味都幾濃~跟住係oreo木糠布甸...有一粒三角朱古力o係面, 太甜喇,~我唔鍾意.....最後係係同樣唔多好既焗蛋糕~實實的只有蛋味~..我將雪糕加落去一齊食先食得入口~如果唔係真的太乾喇~食左一半已覺滯滯的........ movenpick雪糕有三隻味道, 朱古力/士多啤梨/焦糖~一向係此牌子既捧場客~當然要食唔少啦~3隻味道各有千秋~呢度都有唔少配料(朱古力碎,脆脆米等)比你加落去伴雪糕同食~ 望住表弟既咖啡雪糕叫我有少少衝動都加一球度自己杯coffee度~^^不過~因為都唔破壞我既即磨咖啡喇, 幾香濃... AE咭有9折..雖然只係短短兩個鐘..但係位置又舒服~食物又有質素~確實抵食... 推介美食: 三文魚刺身, 炸魷魚鬚, pizza, 麥樂雞, 炆牛尾, chocolate brownies, Tiramisu, 酥皮玉桂蘋果卷, movenpick雪糕
評分: 味道 4 環境 4 服務 4 衛生 4 抵食 4
2009-07-06
常與同事於Lunch hour一齊去試公司附近新開既食肆~ 今日到呢間居酒屋~其實都開左約幾個月~ 但係總覺得個名怪怪的~而令我之前有點兒卻步~ 黎到咁岩仲有一張4人枱~岩岩遲我地少少既客人都冇位喇~ 餐廳大概只有18個位~建議先訂枱會較穩妥… 有午市自選套餐($42)同定食套餐($42起).. 兩款都已包括日式蒸蛋, 前菜, 飯或冷篙麥麵, 甜品 我地4個都要左自選套餐, 其實係有A, B兩欄,每欄約有8-10款選擇, 可從A, B各選一款~ M同事:帶子刺身飯(細)+生薑燒豚肉+冷篙麥麵 B同事:加州卷+汁燒雞扒+冷篙麥麵 F同事:帶子刺身飯(細)+網燒牛扒+冷篙麥麵 自己: 蟹籽沙律+滑蛋牛肉+冷篙麥麵 日式蒸蛋, 前菜先上~蒸蛋內有冬菇片, 雞肉,蟹柳~蛋係滑入口中, 唔會太鹹~好味~ 前菜係燉牛肉, 仲有片充滿牛味既紅蘿蔔~相信係一齊炆至入味...gd~但牛肉則較有口感~ 同事既帶子刺身飯雖然話係細size~但對女仔黎講都唔小~因為望落約有五-六粒帶子,以牛油果點綴, 而且都幾多飯~ 但同事都可以清碗~可以睇見似乎味道唔錯喎... 我都食左粒帶子~算幾新鮮肉厚..^^ 我既蟹籽沙律幾好~沙律醬唔會過多~但都幾大碗~猛咁叫同事幫手食~如果唔係我又點試佢地o個d食物呢...嘻嘻~ 加州卷上枱時大家都嚇親~因為總共有8件~好抵食~ 平時o係壽司店就咁order都要件30幾蚊啦...但係就要等左好耐~唔通係即刻卷咁新鮮..? M同事既生薑燒豚肉有好多洋蔥~而且d洋蔥好入味~但我就冇食豬肉~因為唔係我既喜好呢.. 而網燒牛扒共有3小塊..食左一塊~好重燒汁味~牛有少少韌.. 最愛都係自己既滑蛋牛肉, 洋蔥同肥牛份量都唔少~加上蛋真係好滑~ 肥牛反而唔韌~仲加有d紫菜絲o係面顏色冇咁單調^^ 冷篙麥麵雖然只係一小碗~但已經好夠飽~唔好忘記之前已有前菜~而且食埋同事既f餸就更加豐富喇.... 甜品可選芋頭/綠茶雪糕, 我地全部都要左綠茶味~可以幫助清一清味蕾~ 服務生服務都好殷勤~不斷加水收碟, 而且我地因為要避雨走唔到佢仲同我地傾左幾句添~ 咁既價錢有咁多食物和質素~真係超值~ 但真係唔可以成日都咁食法~實在太飽喇...... 推介美食: 日式蒸蛋, 帶子刺身飯, 滑蛋牛肉
評分: 味道 4 環境 3 服務 4 衛生 4 抵食 4
|